Pa November 9, 2024, Mubali Jeffrey Winder, wa mu Wupu Wakulongozga wakutuzga Bayibolu la Charu Chifya la Malemba Ngakupaturika lakunozgeka so mu chineneru cha Chigizi. Chipharazgu chakutuzgika kwa Bayibolu lenili, chinguperekeka pa nyengu ya pulogilamu yapade yo yinguchitikiya ku ofesi ya nthambi ya ku Kyrgyzstan. Ŵanthu akukwana 147 anguwungana pamalu ngamoza ndipu akukwana 3,044 avwisiyanga kuziya pa vidiyokoniferensi. Bayibolu lakuchita kujambula la mabuku nga Uthenga Wamampha kweniso mabuku nganyaki nga mu Bayibolu, ngangwamba kusanirika nyengu yeniyo pa jw.org ndipuso pa JW Library kuti ŵanthu ayambi kuchita dawunilodi. Ndipu Bayibolu lakuchita kusindikiza liyambi kusanirika muchaka cha 2025.

Akaboni aku Yehova angwamba ntchitu yakufwatuliya mabuku ngakukonkhoska Bayibolu vyaka 30 vo vajumpha. Pasonu panu, ku Kyrgyzstan kwe ŵanthu pafufupi 5 miliyoni wo alongoro Chigizi kusazgapu abali ndi azichi akujumpha 2,800 wo ateŵete mu mipingu 43 kweniso timagulu.