SUMU 136
‘Mphotu Yikulu’ Yakutuliya Kwaku Yehova
-
1. Yehova waziŵa wo ateŵete
Kutuwa pasi pa mtima.
Waziŵa so kuti nyengu zinyaki
Tikumana ndi masuzgu.
Pa mwasiya nyumba ndi achibali,
Chiuta widu waziŵa.
Sonu watipasa abali ŵidu
Kunthazi umoyu ufya.
(KORASI)
Yehova wakutumbikenidi.
Kweniso wakupaseni ‘mphotu.’
Bisamani m’mapapa ngaki.
Ngwakugomezgeka; Iyu ngwamampha.
-
2. Nyengu zinyaki tingawona kuti
Masuzgu ngajumpha mwesu.
Panyaki ngatitilonda likondwa
Ngaphara so nthazi zidu.
Chiuta wawona masuzgu nginu;
Ndipu pempheru watuvwa.
Mabwezi, malemba ndi mzimu waki
Ivi vikupembuzgeni.
(KORASI)
Yehova wakutumbikenidi.
Kweniso wakupaseni ‘mphotu.’
Bisamani m’mapapa ngaki.
Ngwakugomezgeka; Iyu ngwamampha.
(Wonaniso Ŵer. 11:38-40; Yes. 41:10.)
