Vo Bayibolo Limuka

Kumbi tingazija nadi ndi umoyu wamuyaya?

Munthu wakwamba Adamu, wanguja ndi umoyu kwa vyaka vinandi kweni pakumaliya, wangukota ndi kufwa. Kwamba kali, ŵanthu ayesesa kugwiriskiya nchitu nthowa zinandi kuti aleki kukota kweni palivi yo wakuthaŵapu nyifwa. Nchifukwa wuli tikamba viyo? Adamu wangubuda chifukwa chakuti wanguleka kuvwiya Chiuta, mwaviyo wangukota ndi kufwa. Tikota ndipuso titufwa chifukwa tikuhara ubudi kutuliya kwaku Adamu.—Ŵerengani Chiyambo 5:5; Ŵaroma 5:12.

Kuti tizije ndi umoyu wamuyaya, pakhumbikanga munthu munyaki kuti wapereki ndalama zakutiwombole. (Jobu 33:24, 25) Ndalama zakuwombole ziperekeka kuti munthu yo wamangika wafwatuliki. Mwakuyanana ŵaka, isi takhumbikanga kuti tiwomboleki ku nyifwa. (Chituwa 21:29, 30) Tingakamba kuti Yesu wakupereka ndalama zakuwombole zenizi po wangutifwiya.—Ŵerengani Yohane 3:16.

Kumbi tingachita wuli kuti tizije ndi umoyu wamuyaya?

Ŵanthu wo avwiya Chiuta azamulonde umoyu wamuyaya ndipu azamutama cha pamwenga kukota kweni wo aleka kuvwiya nge mo wanguchitiya Adamu, azamulonde cha umoyu wamuyaya. Ŵanthu ŵija wo agowokereka maubudi ngawu ndiwu azamukondwa ndi umoyu wamuyaya.—Ŵerengani Yesaya 33:24; 35:3-6.

Kuti tigowokereki, tikhumbika kuchitapu kanthu. Tikhumbika kusambira Bayibolo, kuti timuziŵi Chiuta. Bayibolo, lititisambiza mo tingajaliya ndi umoyu wamampha, tingachitiya vinthu vakukondwesa Chiuta kweniso vo tingachita kuti tizilonde umoyu wamuyaya.—Ŵerengani Yohane 17:3; Machitidu 3:19.

Kuti muziŵi vinandi, wonani mutu 3 wa m’buku ili, lo likupharazgika ndi Akaboni aku Yehova

[Chithuzi papeji 32]

Nchinthu wuli chingatifwatuwa ku nyifwa?