Ŵanthu wo atorana waka aŵanaŵana kuti akondwengi kwa umoyu wawu wosi nge mo venge pa zuŵa lo akwatisiyanga. Kumbi venivi vingachitika nadi? Hinya! Akhristu wo akutorana kali ukongwa ndipu ayesesa kugwiriskiya ntchitu ulongozgi wa mu Bayibolu, aziŵa kuti venivi vingachitika nadi.

1. Kumbi Bayibolu litiŵapaska ulongozgi wuli anthulumi akuto?

Yehova wakuŵika munthulumi kuti ndiyu wajengi mutu wa banja. (Ŵerengani Aefeso 5:23.) Yehova wakhumba kuti munthulumi wasankhengi vakuchita vo vingawovya banja laki. Bayibolu likambiya anthulumi akuto kuti: “Lutirizgani kwanja awolu ŵinu.” (Aefeso 5:25) Kumbi venivi ving’anamuwanji? Munthulumi wachanju wachita vinthu mwaulemu ndi muwolu waki, kaya angaŵa kunyumba ndipuso pagulu. Iyu watimuvikiliya ku vinthu vakofya kweniso wayesesa kumuphwere. (1 Timote 5:8) Kuluska vosi, watimuwovya kuti waje pa ubwezi wakukho ndi Yehova. (Mateyu 4:4) Mwakuyeruzgiyapu, wangapemphera ndi kuŵerenge nayu limoza Bayibolu. Munthulumi wangalutirizga kuja pa ubwezi wakukho ndi Yehova, asani wayesesa kumuphwere mwachanju muwolu waki.—Ŵerengani 1 Peturo 3:7.

2. Kumbi Bayibolu litiŵapaska ulongozgi wuli anthukazi akuyirwa?

Mazu ngaku Chiuta ngakamba kuti munthukazi “wamutumbikengi ukongwa mulumu waki.” (Aefeso 5:33) Kumbi wangachita wuli venivi? Chakwamba, wakhumbika kuŵanaŵaniya mijalidu yamampha yo mulumu waki wenayu ndipuso mo wayesese kuphwere iyu kweniso ŵana. Chachiŵi, wakhumbika kukoliyana ndi vo mulumu waki wasankha ndipuso watenere kulongoro nayu mwaulemu chinanga wangaŵa Kaboni cha.

3. Kumbi ŵanthu akutorana angachita wuli kuti nthengwa yawu yije yakukho?

Pakukamba za ŵanthu akutorana, Bayibolu likamba kuti: “Wosi ŵaŵi azamuja liŵavu limoza.” (Mateyu 19:5) Venivi ving’anamuwa kuti akhumbika kuyesesa kulimbana ndi vinthu vo vingachitiska kuti apatukani. Yiwu angachita venivi asani acheze limoza kweniso akambiskana mwakufwatuka. Yiwu azomereza cha kuti chinthu chinyaki chechosi pamwenga munthu munyaki weyosi kupatuwaku Yehova, amuwonengi kuti ndiyu ngwakukhumbika ukongwa kuluska yo akutorana nayu. Yiwu aphwere kuti aleki kwanjana mwakujumpha mwesu ndi munthu munyaki.

 SAMBIRANI VINANDI

4. Anthulumi akuto mukhumbika kwanja ndi kuphwere awolu ŵinu

5. Anthukazi akuyirwa mukhumbika kwanja ndi kutumbika alumu ŵinu

Bayibolu lichiska anthukazi akuyirwa kuti atumbikengi alumu ŵaŵu chinanga angaŵa kuti ateŵete Yehova cha. Ŵerengani 1 Peturo 3:1, 2, pavuli paki kambiskanani mafumbu yanga:

• Asani mulumu winu wateŵete Yehova cha, tikayika cha kuti mukhumbisiska kuti nayu wayambi kuteŵete Yehova. Kumbi muwona kuti nthowa yamampha yo mungamuwovye ndi niyi; kumupharazgiya nyengu zosi pamwenga kumulongo mijalidu yamampha ndi kuchita nayu vinthu mwaulemu? Ntchifukwa wuli muwona viyo?

Munthulumi ndi muwolu waki angasankhiya limoza vakuchita. Kweni nyengu zinyaki munthukazi wangakoliyana navu cha vo mulumu waki wasankha. Asani ve viyo, iyu wangakamba maŵanaŵanu ngaki mwakuzika kweniso mwaulemu, ndipu watenere kukumbuka kuti Yehova wakupaska munthulumi udindu wakusankha vo vingawovya banja. Iyu watenere  kuyesesa kuwovya mulumu waki kuti vo wasankha vichitiki. Asani wachitengi venivi, wawovyengi kuti wosi akondwengi panyumba. Ŵerengani 1 Peturo 3:3-5, pavuli paki kambiskanani fumbu ili:

• Kumbi Yehova watuvwa wuli asani anthukazi akuyirwa achita vinthu mwaulemu ndi alumu ŵawu?

6. Mungamalana ndi masuzgu mu nthengwa yinu

 KUMBI MWASAMBIRANJI?

Munthulumi ndi muwolu waki angakondwa mu banja asani atanjana, atumbikana kweniso asani agwiriskiya ntchitu fundu za mu Bayibolu.

Kuweriyamu

• Kumbi munthulumi wakuto wangachita wuli kuti wosi akondwengi mu banja laki?

• Kumbi munthukazi wakuyirwa wangachita wuli kuti wosi akondwengi mu banja laki?

• Asani mukuto pamwenga kuyirwa, kumbi ndi fundu nizi za mu Bayibolu zo zingawovya kuti nthengwa yinu yije yakukho?