CHIGAŴA 1
Kulengeka kwa Vinthu, Kuzifika Nyengu ya Zandi
Kumbi kuchanya ndi charu chapasi vikujaku wuli? Nanga lumwi, mwezi, nyenyezi ndi vinthu vinandi va pacharu chapasi vikujaku wuli? Bayibolo limuka umampha kuti vikulengeka ndi Chiuta. Mwaviyo, buku lidu ili litamba kukonkhoska nkhani za m’Bayibolo za kulengeka kwa vinthu.
Bayibolo likamba kuti Chiuta wangwamba kulenga ŵanthu ŵakuyanana ndi Iyu. Ŵanthu yaŵa ŵenga angelu. Kweni charu chapasi chikulengeke taŵanthu. Mwaviyo, Chiuta wangulenga ŵanthu ŵaŵi, munthurumi ndi munthukazi. Zina la munthurumi lenga Adamu, munthukazi wenga Eva ndipu Chiuta wanguŵaŵika m’munda wakutowa. Kweni yiwu angutondeka kuvwiya Chiuta, ndichu chifukwa chaki yiwu angutaya mwaŵi wakuja ndi umoyu.
Kutuliya po Adamu wangulengeke kuzifika panyengu ya Zandi mukulu, pangujumpha vyaka 1,656. Panyengu iyi penga ŵanthu anandi aheni. Kuchanya kwenga ŵanthu ambula kuwoneka, ŵanthu yaŵa ŵenga Satana ndi angelu ŵaki aheni. Pacharu chapasi penga Kaini ndi ŵanthu anyaki so anandi aheni. Pa ŵanthu aheni yaŵa, pengaso anyaki anthazi ukongwa kuluska weyosi. Kweniso penga ŵanthu amampha nge; Abelu, Enoke ndi Nowa. Mu Chigaŵa CHAKWAMBA ichi, tisambirengi za ŵanthu wosi yaŵa ndi vo vachitikanga.
PA CHIGAŴA ICHI
NKHANI 1
Chiuta Watamba Kupanga Vinthu
Nkhani ya mu buku la Chiyambo yo yikamba za kulengeka kwa vinthu njambula kusuzga kuyivwisa kweniso njakukondwesa. Ŵana nawu angasuzgika cha kuyivwisa.
NKHANI 2
Munda wa Kutowa
Mwakukoliyana ndi buku la Chiyambo, Chiuta wangupanga munda wa Edeni kuja malu ngapade. Chiuta wakhumba kuti charu chosi chizije nge mo munda wa Edeni wenge.
NKHANI 3
Ŵanthu Ŵakwamba
Chiuta wangulenga Adamu ndi Eva ndipu wanguŵaŵika mu munda wa Edene. Yiwu ŵenga banja lakwamba.
NKHANI 4
Chifukwa Cho Angudikiskikiya Mu Edene
Mu Bayibolu, mubuku la Chiyambo mwe nkhani yo yikonkhoska mo ŵanthu angutayiya mwaŵi wakuja mu paradayisu.
NKHANI 5
Kwamba Kwa Umoyu Wa Masuzgu
Kubwalu kwa munda wa Edene, Adamu ndi Eva angukumana ndi masuzgu nganandi. Asani anguvwiya Chiuta yiwu atingi ajengi umoyu wamampha limoza ndi ŵana ŵaŵu.
NKHANI 6
Mwana Wamampha Ndi Mwana Muheni
Nkhani yaku Kaini ndi Abelu yo ye mubuku la Chiyambo, yititisambiza kuti titenere kuja ndi nkharu yamampha kweniso kuti tisinthengi mwaliŵi nkharu yiheni.
NKHANI 7
Munthu Wachiganga
Vo Enoke wanguchita vilongo kuti mungafiska kuchita vinthu vamampha chinanga kuti ŵanthu wo muja nawu achita vinthu viheni.
NKHANI 8
Vinkhara Pacharu
Lemba la Chiyambo chaputala 6 likamba za vinkhara vo vapwetekanga ŵanthu. Vinkhara venivi vadanikanga kuti Anefilimu ndipu ŵenga ŵana a angelu akugaruka wo angutuwa kuchanya ndi kuja nge ŵanthu pacharu chapasi.
NKHANI 9
Nowa Wakhoma Chingaraŵa
Nowa ndi banja laki angupona pa Zandi chifukwa anguvwiya Chiuta chinanga kuti ŵanthu anyaki anguleka kuvwiya.
NKHANI 10
Zandi Mukulu
Ŵanthu asekanga Nowa wachiŵapharazgiya uthenga wa cheruzgu. Kweni asekanga cha vuŵa ya zandi yati yayamba kuwa kutuwa kuchanya! Ziŵani mo chingaraŵa chaku Nowa chingutaskiya Nowa, banja laki ndi vinyama vinandi.
