TICHITENGI VINTHU NGE AKHRISTU
Kumbi Mwazamuchita Wuli mu Chaka cha Chilala?
Chivwanu ndi chigomezgu vitende limoza. Mwakuyeruzgiyapu, chivwanu chingatiwovya kuti timugomezgengi Yehova kuti wativikiliyengi kweniso kuti watiphweriyengi. (Sumu 23:1, 4; 78:22) Chifukwa chakuti te mu mazuŵa ngakumaliya, tiziŵa kuti Satana walimbanengi nasi ukongwa. (Chivu. 12:12) Kumbi ntchinthu wuli cho chazakutiwovya?
WONERIYANI VIDIYO YAKUTI KUMBI MWAZAMUCHITA WULI MU CHAKA CHA CHILALA?, PAVULI PAKI KAMBISKANANI MAFUMBU YANGA:
-
Kumbi tiyanana wuli ndi “chimiti” cho chikambika pa Yeremiya 17:8?
-
Kumbi “kotcha” ko kukambika pa lemba ili kumiyanji?
-
Kumbi “chimiti” ichi chikwaskika wuli, nanga ntchifukwa wuli?
-
Kumbi Satana wakhumbanji?
-
Kumbi tiyanana wuli ndi ŵanthu wo akuziŵiliya kukwera ndegi?
-
Ntchifukwa wuli tikhumbika kulutirizga kugomezga kapolu wakugomezgeka ndi wazeru, nanga ndi mayeseru wuli ngo tingakumana nangu?
-
Ntchifukwa wuli tikhumbika kulutirizga kugomezga fundu za mu Bayibolu chinanga kuti ŵanthu anyaki angatisuska?
