3:5-14

Kumbi pe vinthu vinyaki vikuluvikulu vo mwasintha pa umoyu winu kutuliya po mukuziŵiya uneneska? Tikayika cha kuti Yehova wangukondwa ukongwa chifukwa cha kuyesesa kwinu. (Ezeki. 33:11) Chinanga kuti veviyo, weyosi wakhumbika kuyesesa kuti waleki kuwere ku mijalidu yo wenga nayu kali. Mumalu mwaki, wakhumbika kulutirizga kulongo umunthu wufya. Mukani mafumbu yanga kuti muziŵi vo mukhumbika kusintha:

• Kumbi nditiŵasungiya vifukwa ŵanthu wo andinangiya?

• Kumbi ndilongo kuzizipizga pa nyengu yo ndavuka pamwenga asani ndithaŵiriya?

• Asani ndayamba kuŵanaŵana vinthu viheni, kumbi ndileka liŵi kuviŵanaŵana?

• Kumbi nde ndi maŵanaŵanu ngaheni ngakukwaskana ndi ŵanthu amitundu yinyaki?

• Kumbi pambula kuswera yapa ndakambapu mazu ngaheni pamwenga kukwiyiya munthu munyaki?