KUMBI VENIVI VAKUKHUMBIKA WULI?: Yehova wachitiska kuti mbewu za uneneska zikuwi mumitima ya ŵanthu a ‘maŵanaŵanu ngamampha ngo ngangaŵawovya kuti azisaniyi umoyu wamuyaya.’ (Machi. 13:48; 1 Akori. 3:7) Isi tigwira ntchitu ndi Yehova asani tiyesesa kuwovya ŵanthu wo achitapu kanthu pa vo titiŵasambiza mu uteŵeti. (1 Akori. 9:26) Wo asambira Bayibolu akhumbika kuziŵa kuti ubatizu ungaŵawovya kuti azitaskiki. (1 Petu. 3:21) Titovya wo asambira Bayibolu kuti asinthi umoyu wawu, aziŵi kupharazga ndipuso kusambiza, kweniso kuti apereki umoyu wawu kwaku Yehova.—Mate. 28:19, 20.

KUMBI TINGACHITA WULI VENIVI?:

• Muŵakumbusengi wo musambira nawu kuti asambira Bayibolu kuti ‘aziŵi’ Yehova kweniso kuti amukondwesengi.—Yoha. 17:3

• Muŵawovyengi kuti alutengi panthazi mwauzimu mwakuleka vinthu vo vingaŵatimbanyizga, nge nkharu zinyaki ziheni kweniso kuti aleki kucheza ndi mabwezi ngaheni

• Muŵachiskengi ŵechendabatiziki kweniso asani abatizika.—Machi. 14:22

WONERIYANI VIDIYO YAKUTI YEHOVA CHIUTA WAKUWOVYENINGI, PAVULI PAKI MUKANI MAFUMBU YANGA:

• Kumbi ndi vinthu wuli vo munthu wangawopa kuti waleki kujipatuliya kwaku Yehova kweniso kubatizika?

• Kumbi ŵara angaŵawovya wuli wo asambira Bayibolu kuti aluti panthazi mwauzimu?

• Kumbi lemba la Yesaya 41:10 lititisambizanji vakukwaskana ndi Yehova?

• Kumbi ndi mijalidu niyi yo yingachitiska kuti Yehova wakondwengi ndi uteŵeti widu chinanga kuti te akubuda?