Yakobe wangulimbana ndi mungelu kuti walonde vitumbiku vaku Yehova. Vitumbiku venivi venga vakuzirwa ukongwa kwaku iyu. (Chiya. 32:24-31; Hose. 12:3, 4) Nanga isi tichita wuli? Kumbi titesesa kuvwiya Yehova ndi mtima wosi kuti tilonde vitumbiku? Mwakuyeruzgiyapu, kumbi mungasankhanji pakati pa kuluta ku maunganu ndi kugwira ovatayimu kuntchitu? Yehova watipunguliyengi “vitumbiku vinandi” asani titimupaska nyengu yidu, nthazi zidu kweniso katundu widu. (Mala. 3:10) Iyu watilongozgengi, wativikiliyengi kweniso watipaskengi vo tikhumbika.—Mate. 6:33; Ahe. 13:5.

WONERIYANI VIDIYO YAKUTI YESESANI KUTI MUFISKI VILATU VINU VAUZIMU, PAVULI PAKI MUKANI MAFUMBU YANGA:

• Kumbi mzichi uyu wanguyeseka wuli ndi vinthu vo wayanjanga?

• Kumbi ntchitu yo tigwira yingaja wuli chiyesu?

• Ntchifukwa wuli Timote wakhumbikanga kuja ndi vilatu chinanga mphanyengu yo wenga wakukhwima mwauzimu?—1 Timo. 4:16

• Kumbi tingalongo wuli kuti ntchitu yakupharazga ndiyu “njakukhumbika ukongwa?”