Yobu 18:1-21
18 Bilidadi+ wa mu banja laku Shuwa wangumuka kuti:
2 “Kumbi mulutirizgengi kulongoro viyo mpaka zuŵanji?
Longoni dankha kuti muvwisa vinthu, ndipu pavuli paki tilongoro.
3 Ntchifukwa wuli mutitiwona nge vinyama+Kweniso ntchifukwa wuli mutitiwona nge te azereza?*
4 Chinanga ungajipaluwa chifukwa cha ukali waku,Kumbi uwona kuti charu chijowolekengi chifukwa chaku yiwi,Pamwenga kumbi mwa underengi ndi kutuwapu pamalu ngaki?
5 Hinya, ukweru wa munthu muheni uzimwisikengi,Ndipu mulipu waki wa motu uŵalengi cha.+
6 Ukweru wo we muhema laki, utondekengi cha kuchita mdima,Ndipu nyali yaki yizimwisikengi.
7 Iyu walekengi kwenda mwaliŵiliŵi kweniso mwanthazi,Ndipu ulongozgi waki ndiwu umuwisengi.+
8 Pakuti maphazi ngaki ngamulongozgiyengi muchilepa,Ndipu wayingengiyingengi muchilepa.
9 Chiphundulu chaki chiwirengi muchisali;Ndipu iyu wakolekengi pachiŵana.+
10 Chingwi chabisika padongu kuti iyu waleki kuchiwona,Ndipu chisali chaŵikika munthowa yaki.
11 Vinthu vakofya vitimuwofyeza kutuwa muvigaŵa vosi+Kweniso vitimutchimbiza ndipu ve pafupi ndi malundi ngaki.
12 Nthazi zaki zamala,Ndipu soka+ limuchitiskengi kuti wayendi mbendyambendya.*
13 Khungu laki laryika;Nthenda yakofya ukongwa yarya* manja ndi malundi ngaki.
14 Wanyimphulika ndi kutuzgikaku kuhema laki kuti waleki kuvikilirika+Ndipu waperekeka kwa fumu ya vinthu vakofya.*
15 Alendu ndiwu ajengi* muhema laki;Sulufule wambwererekengi panyumba yaki yosi.+
16 Misisi yaki yimirengi pasi paki,Ndipu mphanda zaki zimirengi kuchanya.
17 Ŵanthu pacharu chapasi amukumbukengi so cha,Ndipu mumsewu, zina laki liziŵikengi so cha.*
18 Watuzgikengi ku ukweru kuluta ku mdimaKweniso wadikisikengi pacharu chapasi.
19 Iyu waŵengevi mphapu kweniso ŵana pakati pa ŵanthu ŵaki,Ndipuso waŵengevi munthu wakupona kuti waje pamalu ngo iyu waja.*
20 Asani zuŵa laki lafika, ŵanthu a Kuzambwi* azamuzizwaNdipuso ŵanthu a Kuvuma* azamukoleka ndi mantha.
21 Venivi ndivu vichitikiya mahema nga munthu yo wachita vinthu viheniKweniso malu nga munthu yo waleka kuziŵa Chiuta.”
Mazu Ngam'mphata
^ Yapa pangafwatulikiya so kuti, “te akufipiskika.”
^ Pamwenga kuti, “kuti waganthiyi.”
^ Mazu ngaki chayingu, “Mwana wakwamba wa nyifwa warya.”
^ Pamwenga kuti, “nyifwa yakuŵaŵa.”
^ Mazu ngaki chayingu, “Chinthu cho ntchaki cha ndichu chijengi.”
^ Mazu ngaki chayingu, “waŵengevi zina.”
^ Pamwenga kuti, “pamalu ngo wajapu nge mulendu.”
^ Pamwenga kuti, “ko kuselere lumwi.”
^ Pamwenga kuti, “ko kutuliya lumwi.”
