Yesaya 41:1-29
41 “Yimwi virwa,* jani cheti ndipu vwisiyani kwaku ini;*Mitundu ya ŵanthu yisaniyi so nthazi zawu.
Yizi pafupi; ndipu yilongoro.+
Tiyeni tizi pamoza kuti ndiyeruzgi.
2 Ndiyani yo wayuska munthu kutuliya kwakutuliya lumwi,*+Yo watimudaniya ku maphazi ngaki* mu urunji,Kuti wamupaski mitundu ya ŵanthuNdi kumuchitiska kuti wathereski mafumu?+
Ndiyani yo watiŵasambusa fuvu ndi lipanga laki,Ndi kuŵambininiska ndi uta waki nge mapesi ngo ngaputa ndi mphepu?
3 Watiŵaskera, wajumpha kwambula kujalizikaMunthowa zo maphazi ngaki ngechendayendemu.
4 Ndiyani yo wachita venivi,Yo wadana migonezi kwamba pakwamba?
Ini, Yehova, ndini Wakwamba;+Ndipu ku wakumaliya ndeche viyo kwambula kusintha.”+
5 Virwa vawona vo wachita ndipu vachita mantha.
Vigoti va charu chapasi vayamba kunjekeme.
Vindere ndi kuza pafupi.
6 Weyosi watovya munyakiNdipu wakambiya mubali waki kuti: “Ja wanthazi.”
7 Mwaviyo, munthu walusu wakhwimisa wakusula visulu;+Munthu yo wanyolo visulu ndi nyundu yakusuliyaWakhwimisa munthu yo wasula visulu pachakusuliyapu.
Iyu wakamba vakukwaskana ndi kuwotchere visulu kuti: “Ve umampha.”
Pavuli paki, chinthu cho wapanga watichikhoma ndi mizumali kuti chileki kuwa.
8 “Kweni yiwi Isirayeli, ndiwi mteŵeti wangu,+Yiwi Yakobe, yo ndasankha,+Mphapu* yaku Abrahamu mubwezi wangu,+
9 Yiwi, yo ndikukuto kuvigoti va charu chapasi,+Ndipuso yiwi, yo ndikukudana kutuliya kuvigaŵa vakutali ukongwa va charu chapasi.
Ndingukukambiya kuti, ‘Ndiwi mteŵeti wangu;+Ndakusankha, ndakujowo cha.+
10 Ungawopanga cha, pakuti nde nawi.+
Ungafipanga mtima cha, pakuti ndini Chiuta waku.+
Ndikukholesengi, ndikuwovyengi,+Ndikukongi ndi janja langu lamaryi la urunji.’
11 Awona! Ŵanthu wosi wo atikukwiyiya azamuchita soni ndi kulengeseka.+
Ŵanthu wo achita nawi nkhondu azamutuzgikapu ndi kumala.+
12 Wazamupenja ŵanthu wo alimbana nawi kweni wazakuŵasaniya cha;Ŵanthu wo achita nawi nkhondu azamuja nge chinthu cho kulivi, azamuja kanthu cha.+
13 Pakuti ini, Yehova Chiuta waku, ndakolesa janja laku lamaryi,Ndini Yo watikukambiya kuti, ‘Ungawopanga cha. Ndikuwovyengi.’+
14 Ungawopanga cha, yiwi nyongu* Yakobe,+Yimwi Ayisirayeli, ndikuwovyeningi.” Yehova, Wakukuwomboni,+ Mtuŵa waku Isirayeli ndiyu wakamba viyo.
15 “Awona! Ndakusambusa chidya chakukhweme mbewu,+Chidya chifya chakukhweme mbewu cha minyu kosikosi.
Wazamukandakanda mapiri ndi kungavikitaNdipu mitunthu wazakuyisambusa mwere.
16 Wazakuviwulusa,Ndipu mphepu yazakuvipingiya kutali;Chimphunga chazakuvimbininiska.
Yiwi wazamukondwa mwaku Yehova,+Ndipu wazamunotha mwa Mtuŵa waku Isirayeli.”+
17 “Wo akhumbika chovyu kweniso akavu apenja maji, kweni kulivi.
Lilimi lawu lamira chifukwa cha nyota.+
Ini, Yehova, ndazakuŵamuka.+
Ini, Chiuta waku Isirayeli, ndazakuŵajowo cha.+
18 Ndazamuchitiska kuti misinji yiyendi mumitunthu yambula kanthu+Ndipuso kuti akasupi abwibwituki muvidika.+
Ndazamusambusa chipululu kuja thaŵali la matetiKweniso charu chambula maji kuja ndi akasupi a maji.+
19 Muchipalamba ndazamupandamu vimiti va sidara,Vimiti va akeshiya, vimiti va mirito ndi vimiti va payina.+
Muchidika* ndazamupandamu vimiti va junipa,Limoza ndi vimiti va ashi kweniso va milanji,+
20 Kuti ŵanthu wosi awoni ndi kuziŵaKweniso kuti avwisiyi ndi kuvwisisaKuti janja laku Yehova ndilu lachita venivi,Ndipuso kuti Mtuŵa waku Isirayeli ndiyu wachita venivi.”*+
21 “Zani ndi mulandu winu,” Yehova ndiyu wakamba.
“Kambani fundu zinu,” Fumu yaku Yakobe ndiyu yakamba.
22 “Perekani ukaboni ndipu tikambiyeni vinthu vo vazamuchitika.
Tikambiyeni vakukwaskana ndi vinthu vakali,*Kuti tiŵanaŵaniyepu* ndi kuziŵa vo vazamuchitika.Pamwenga tikambiyeni vinthu vo vituza.+
23 Tikambiyeni vo vazamuchitika kunthazi,Kuti tiziŵi kuti ndimwi achiuta.+
Chitani chinthu chinyaki, chamampha pamwenga chiheni,Kuti tizizwi asani titichiwona.+
24 Awonani! Ndimwi chinthu chakuti kulivi,Ndipu palivi cho mwachitapu.+
Weyosi yo wasankha yimwi ngwakuseruska.+
25 Ndayuska munthu munyaki kutuliya kunkhondi* ndipu wazengi,+Munthu munyaki kutuliya kwakutuliya lumwi*+ yo wazamudaniya pa zina langu.
Iyu wazamukandakanda alongozgi* nge kuti wakanda dongu,+Nge wakuwumba viŵiya yo wakanda dondu liŵisi.
26 Ndiyani yo wangukamba vakukwaskana ndi vinthu venivi kutuliya pakwamba, kuti tiziŵi,Pamwenga kutuliya mu nyengu zakali, kuti tikambi kuti, ‘Waneneska’?+
Palivi yo wangukambapu!
Palivi yo wangupharazga!
Palivi yo wanguvwapu chechosi kutuliya kwaku yimwi!”+
27 Ini ndini ndenga wakwamba kukambiya Ziyoni kuti: “Awona! Eyivi ve yapa!”+
Ndipu nditumengi munthu wakupinga uthenga wamampha ku Yerusalemu.+
28 Kweni ndingulutirizga kulereska, ndipu pengavi munthu weyosi;Pakati pawu pengavi weyosi wakuti wapereki ulongozgi.
Ndipu ndingulutirizga kuŵafumba kuti amuki.
29 Awonani! Wosi ndi vinthu vaŵaka.*
Ntchitu zawu zaŵaka.
Vikozgu vawu vachisulu* ve nge mphepu kweniso ndi vinthu vakuti kulivi.+
Mazu Ngam'mphata
^ Anyaki akamba kuti, “vilumba.”
^ Pamwenga kuti, “jani cheti pa masu pangu.”
^ Pamwenga kuti, “kutuliya kuvuma.”
^ Kung’anamuwa kumuteŵete.
^ Mazu ngaki chayingu, “mbewu.”
^ Kung’anamuwa wambula kuvikilirika kweniso wakusika.
^ Mazu ngaki chayingu, “chidika chachipalamba.”
^ Mazu ngaki chayingu, “ndiyu wavilenga.”
^ Mazu ngaki chayingu, “vinthu vakwamba.”
^ Mazu ngaki chayingu, “kuti tiŵikepu mtima widu.”
^ Anyaki akamba kuti, “kumpotu.”
^ Pamwenga kuti, “kutuliya kuvuma.”
^ Pamwenga kuti, “achiŵi kwa alongozgi.”
^ Pamwenga kuti, “ndi vinthu vakuti kulivi.”
^ Pamwenga kuti, “vikozgu vachisulu chakusongono.”
