Nthanthi 31:1-31
31 Mazu nga Fumu Lemuweli, uthenga wakukhumbika ukongwa wo anyina anguyisambiza:+
2 Kumbi ndikukambiyenji, yiwi wamwana wangu,Ndikukambiyenji yiwi mwana wakutuliya mumoyu mwangu,Ndikukambiyenji yiwi mwana wa malayizgu ngangu?+
3 Nthazi zaku ungaziperekanga kwa anthukazi cha,+Pamwenga kulondo nthowa zo zinanga mafumu.+
4 Yiwi Lemuweli, ntchakwenere cha ku mafumu,Ntchakwenere cha kuti mafumu ngamwengi vinyuPamwenga wo alamuliya kuti akambi kuti, “Che pani chakumwa changu?”+
5 Kuti aleki kumwa ndi kuluwa danguNdi kubendezga wanangwa wa ŵanthu akusika.
6 Pereka moŵa ku ŵanthu wo amala+Kweniso vinyu ku ŵanthu wo ŵe ndi urwirwi ukulu.+
7 Aleki amwi ndi kuluwa ukavu wawu;Aluwiyi limu masuzgu ngawu.
8 Longoro mumalu mwa ŵanthu wo alivi mazu,Vikiliya wanangwa wa ŵanthu wosi wo amala.+
9 Longoro ndi kuyeruzga mwaurunji;Vikiliya wanangwa* wa ŵanthu akusika ndi akavu.+
א [Aleph]
10 Ndiyani yo wangasaniya munthukazi wamampha?*+
Mtengu waki uphara mya ya korali.*
ב [Beth]
11 Mulumu waki watimuthemba kutuliya mumtima,Ndipu wasoŵa kanthu kekosi cha kakuzirwa.
ג [Gimel]
12 Iyu watimuchitiya vamampha mulumu waki, viheni cha,Mu mazuŵa ngosi nga umoyu waki.
ד [Daleth]
13 Wasaniya weya wa mbereri ndi salu yamampha;Wakondwa kugwira ntchitu ndi manja ngaki.+
ה [He]
14 Iyu we nge sitima za munthu wamalonda,+Watuza ndi chakurya kutuliya kutali.
ו [Waw]
15 Iyu wayuka usikusiku,Wapereka chakurya ku ŵanthu a munyumba yakiKweniso wagaŵiya ateŵeti ŵaki anthukazi vigaŵa vawu.+
ז [Zayin]
16 Waŵanaŵaniya vakukwaskana ndi munda ndipu watiwugula;Wapanda mphereska chifukwa cha kutakataka kwaki.*
ח [Heth]
17 Iyu wanozgeke kugwira ntchitu mwaphamphu,*+Ndipu walamisa manja ngaki.
ט [Teth]
18 Iyu wawonesesa kuti wasaniya phindu pa malonda ngaki;Nyali yaki yizimwa cha ndi usiku.
י [Yod]
19 Manja ngaki ngako nthonga yakupangiya wuzu,Ndipu manja ngaki ngakolesa chakuzingiya wuzu.+
כ [Kaph]
20 Watambasuliya janja laki munthu wakusika,Kweniso watambasuliya manja ngaki munthu mukavu.+
ל [Lamed]
21 Iyu watiŵafipiya mtima cha ŵanthu a munyumba yaki asani kwazizira,Pakuti ŵanthu wosi a munyumba yaki avwala vakuvwala vakufunda.*
מ [Mem]
22 Iyu wapanga yija vakutandika pabedi.
Vakuvwala vaki vasalu yamampha kweniso weya wapepo.
נ [Nun]
23 Mulumu waki waziŵika umampha ukongwa pamageti nga tawuni,+Po waja pakati pa ŵara a mucharu.
ס [Samekh]
24 Iyu wapanga ndi kugulisa vakuvwala vasalu yamampha*Kweniso wawodesa malamba ku ŵanthu a malonda.
ע [Ayin]
25 Iyu wavwalikika nthazi kweniso unkhankhu,Ndipu walereska kunthazi mwachiganga.*
פ [Pe]
26 Wajula mulomu waki mwazeru;+Ndipu dangu la lisungu le* palilimi laki.
צ [Tsade]
27 Wawonere vo ŵanthu a munyumba yaki achita,Ndipu waturya cha chiŵandi cha ulesi.+
ק [Qoph]
28 Ŵana ŵaki asoka ndipu atimudana kuti ngwakukondwa;Mulumu waki wasoka ndipu watimuthamika.
ר [Resh]
29 Pe anthukazi anandi amampha,*Kweni yiwi uluska wosi.
ש [Shin]
30 Kuwoneka umampha kunyenga ndipu kutowa kungamala,*+Kweni munthukazi yo watopa Yehova wathamikikengi.+
ת [Taw]
31 Mupaskeni mphotu mwakukoliyana ndi vo wachita,*+Ndipu ntchitu za manja ngaki zimuthamiki mumageti nga tawuni.+
Mazu Ngam'mphata
^ Pamwenga kuti, “Yeruzga mulandu.”
^ Pamwenga kuti, “wakwenere?”
^ Wonani Mazu ngo Ngakonkhoskeka.
^ Pamwenga kuti, “ndi ndalama zaki zo wasaniya.” Mazu ngaki chayingu, “kutuliya mu chipasu cha manja ngaki.”
^ Mazu ngaki chayingu, “wamanga muchiwunu chaki ndi nthazi.”
^ 1Mazu ngaki chayingu, “vakuvwala vakupapika.”
^ Pamwenga kuti, “malaya nga mukati ngasalu yamampha.”
^ Pamwenga kuti, “waseka zuŵa lamawa.”
^ Pamwenga kuti, “ulongozgi wa chanju we; dangu la chanju chambula kumala le.”
^ Pamwenga kuti, “akwenere.”
^ Pamwenga kuti, “kungaŵa kwaŵaka.”
^ Mazu ngaki chayingu, “Mupaskeni vakutuliya pa vipasu va manja ngaki.”
