Masalimo 91:1-16
91 Weyosi yo waja mumalu ngakubisamamu nga Wapachanya Limu+Wajengi mu mduzi wa Wanthazizosi.+
2 Ndikambiyengi Yehova kuti: “Ndimwi malu ngangu ngakuthaŵiyaku ndipuso malu ngangu ngakuvikilirika,+Ndimwi Chiuta wangu yo ndithemba.”+
3 Pakuti iyu wakutaskengi ku chiŵana chaku yo watuthya tiyuni,Wakutaskengi ku mulili wakusakaza.
4 Wakubenekeriyengi* ndi mapapa ngaki,Ndipu yiwi ubisamengi kusi kwa mapapa ngaki.+
Kugomezgeka kwaki+ kujengi nge chishangu chikulu+ kweniso mpanda wakuvikiliya.
5 Yiwi uwopengi cha vinthu vo vitofya ndi usiku,+Pamwenga muvu wo waponyeka ndi msana,+
6 Pamwenga mulili wo uŵenda mu mdima,Kweniso pharanyiku lo liparanya ndi msana.
7 Ŵanthu 1,000 awengi pamphepeti pakuNdipu ŵanthu 10,000 awengi kujanja laku lamaryi,Kweni palivi cho chifikengi pafupi ndi yiwi.+
8 Uwonengi venivi ndi masu ngakuUchiwona chilangu cha ŵanthu aheni.
9 Chifukwa wakamba kuti: “Yehova ndiyu malu ngangu ngakuthaŵiyaku,”
Wapachanya Limu ndiyu wamusambusa malu ngaku ngakujamu;*+
10 Palivi soka lo likuwiyengi,+Ndipu palivi mulili wo ufikengi kufupi ndi hema laku.
11 Pakuti iyu walamulengi angelu ŵaki+ vakukwaskana ndi yiwi,Kuti akuvikiliyi mu nthowa zaku zosi.+
12 Yiwu akunyamuwengi mumanja mwawu,+Kuti phazi laku lileki kupuma mwa.+
13 Ukandengi nkharamu yimana kweniso khakhu;Ukandiyengi pasi nkharamu yimana yanthazi kweniso chinjoka chikulu.+
14 Chiuta wakamba kuti: “Chifukwa chakuti watindiyanja,* ndimutaskengi.+
Ndimuvikiliyengi chifukwa chakuti watiliziŵa* zina langu.+
15 Wandidanengi ndipu ini ndimumukengi.+
Pa masuzgu ndiŵengi nayu.+
Ndimutaskengi kweniso ndimukankhuskengi.
16 Ndimupaskengi umoyu utali ndipu wakhorwengi,+Ndipuso ndimuchitiskengi kuti wawoni ntchitu zangu za utaski.”*+
Mazu Ngam'mphata
^ Pamwenga kuti, “Wakujalizengi.”
^ Yapa pangafwatulikiya so kuti, “ngakuvikilirika; ngakuthaŵiyaku.”
^ Mazu ngaki chayingu, “wajibatika kwaku ini.”
^ Pamwenga kuti, “watilizomereza.”
^ Pamwenga kuti, “wawoni utaski wakutuliya kwaku ini.”
