Masalimo 80:1-19
Kwaku yo walongozga sumu. Sumu iyi yishuniki pa “Maluŵa.” Sumu yaku Asafu+ yachikumbusu.
80 Yimwi mliska waku Isirayeli, vwani,Yimwi yo mulongozga Yosefi nge mskambu.+
Yimwi yo muja pampandu waufumu pachanya* pa akerubi,+Ŵalani.*
2 Vunduwani nthazi zinuPa masu paku Efurayemu, Benjamini ndi Manasi;+Zani mutitaski.+
3 Yimwi Chiuta, tiweziyeni pakali;+Chisku chinu chitiŵaliyi kuti titaskiki.+
4 Yimwi Yehova Chiuta wa mizinda, kumbi mulekengi kuvwa* mapempheru nga ŵanthu ŵinu mpaka zuŵanji?+
5 Mutiŵapaska masozi kuti ngaje chakurya chawu,Ndipu mutiŵachitiska kuti amwi masozi nganandi ngambula kupimika.
6 Muzomereza kuti wo tija nawu pafupi apindanengi chifukwa chaku isi;Arwani ŵidu atitinyoza mo akhumbiya.+
7 Yimwi Chiuta wa mizinda, tiweziyeni pakali;Chisku chinu chitiŵaliyi kuti titaskiki.+
8 Mungutuzga chimiti cha mphereska+ mu Ijipiti.
Mungudikisa mitundu ndipu munguchipanda.+
9 Munguchinozge malu,Ndipu chingume misisi ndi kuzaza charu.+
10 Mapiri ngangujalika ndi mduzi waki,Ndipu vimiti va sidara* vaku Chiuta vingujalika ndi mphanda zaki.
11 Mphanda zaki zingufika kutali mpaka kunyanja,Ndipu mphukira zaki zingufika mpaka ku Msinji.*+
12 Ntchifukwa wuli mwawisa mpanda wa mya wa munda wa mphereska,+Kuti ŵanthu wosi wo ajumpha apawuwengi vipasu vaki?+
13 Nguluŵi ya muthundu yachinanga,Ndipu nyama zamudondu zitichirya.+
14 Yimwi Chiuta wa mizinda, chondi weleriyani.
Lereskani kutuliya kuchanya ndipu wonani!
Phweriyani chimiti ichi cha mphereska,+
15 Chimiti* cho janja linu lamaryi likupanda,+Kweniso mulereski mwana yo yimwi mukumupaska* nthazi chifukwa chaku mwaŵeni.+
16 Chawotcheka ndi motu,+ chadumulika.
Yiwu amala chifukwa cha kuchenya kwinu.*
17 Janja linu liwovyi munthu yo we kujanja linu lamaryi,Liwovyi mwana wa munthu yo yimwi mukumupaska nthazi chifukwa chaku mwaŵeni.+
18 Ndipu nasi tituwengeku cha kwaku yimwi.
Tisungeni amoyu, kuti tidaniyengi pa zina linu.
19 Yimwi Yehova Chiuta wa mizinda, tiweziyeni pakali;Chisku chinu chitiŵaliyi kuti titaskiki.+
Mazu Ngam'mphata
^ Yapa pangafwatulikiya so kuti, “pakati.”
^ Pamwenga kuti, “Longoni kuŵala kwinu.”
^ Mazu ngaki chayingu, “mulutirizgengi kukwiyiya.”
^ Vimiti ivi viyananaku ndi vimiti va payina ndipu kali vasanirikanga ukongwa ku Lebanoni.
^ Kung’anamuwa Msinji wa Yufureti.
^ Pamwenga kuti, “Chisina cha chimiti cha mphereska.”
^ Pamwenga kuti, “mphanda yo yimwi mukuyipaska.”
^ Mazu ngaki chayingu, “kuchenya kwa chisku chinu.”
