Masalimo 42:1-11
Kwaku yo walongozga sumu. Masikili* nga ŵana aku Kora.+
42 Nge mphoyu yo yikhumbisiska misinji ya maji,Nani ndikhumbisiska* yimwi Chiuta.
2 Ndikhumbisiska* Chiuta, Chiuta wamoyu nge mo munthu wachitiya asani we ndi nyota.+
Kumbi ndizengi zuŵanji kuti ndiziwoneke pa masu paku Chiuta?+
3 Masozi ngangu ndingu ngasambuka chakurya changu msana ndi usiku;Zuŵa losi lamphumphu ŵanthu atindinena kuti: “We pani Chiuta waku?”+
4 Vinthu ivi nditivikumbuka, ndipu ndipunguwa umoyu wangu,Pakuti ndikuyendapu limoza ndi gulu la ŵanthu;Ndayendanga ndi nthazi* panthazi pawu pakuluta kunyumba yaku Chiuta,Tambanga sumu zakulongo kukondwa kweniso kuwonga,Nge gulu lo lichita phwandu.+
5 Ntchifukwa wuli ndisuzgika maŵanaŵanu?+
Ntchifukwa wuli ndisuzgika mukati mwangu?
Lindizga Chiuta,+Pakuti ndimuthamikengi mbwenu nge Mtaski wangu Mukulu.+
6 Chiuta wangu, ndasuzgika maŵanaŵanu.+
Ndichu chifukwa chaki ndakukumbukani,+Kutuliya kucharu cha Yorodani ndi malu ngakukwera nga ku Herimoni,Kweniso kutuliya ku Phiri la Miza.*
7 Maji ngandimba ngadaniriziya maji ngandimbaAsani vipopomu vinu vipoma.
Mayiŵa nginu ngosi ngakulungakulu ngandimala nthazi.+
8 Ndi msana, Yehova wandilongongi chanju chaki chambula kumala,Ndipu ndi usiku ndimbengi sumu zaki, ndipempherengi kwaku Chiuta wa umoyu wangu.+
9 Ndikambiyengi Chiuta yo ndi jalawi langu kuti:
“Mwandiluwiyanji?+
Nditendiyanji mwachitima chifukwa cha kukandirizgika ndi murwani wangu?”+
10 Arwani ŵangu atindinyoza ndipu atindikandirizga mwankhaza;*Zuŵa losi lamphumphu ŵanthu atindinena kuti: “We pani Chiuta waku?”+
11 Ntchifukwa wuli ndisuzgika maŵanaŵanu?
Ntchifukwa wuli ndisuzgika mukati mwangu?
Lindizga Chiuta,+Pakuti ndimuthamikengi mbwenu nge Mtaski wangu Mukulu ndipuso Chiuta wangu.+
Mazu Ngam'mphata
^ Wonani Mazu ngo Ngakonkhoskeka.
^ Pamwenga kuti, “Umoyu wangu ukhumbisiska.”
^ Pamwenga kuti, “Umoyu wangu ukhumbisiska.”
^ Pamwenga kuti, “Ndayendanga kamanakamana.”
^ Pamwenga kuti, “phiri limana.”
^ Pamwenga kuti, “Arwani ŵangu atindinyoza nge kuti atuswa viwanga vangu.”
