Masalimo 38:1-22
Sumu yaku Davidi ya chikumbusu.*
38 Yimwi Yehova, mungandichenyanga mwakwiya cha,Kweniso mungandinyoloskanga mwe ndi ukali cha.+
2 Pakuti mivi yinu yandilasa ndipu yasere mukati ukongwa,Kweniso janja linu landididimiziya pasi.+
3 Liŵavu langu losi latama* chifukwa cha ukali winu.
Mukati mwa viwanga vangu mulivi chimangu chifukwa cha ubudi wangu.+
4 Pakuti maubudi ngangu ngathopoka kuluska mutu wangu;+Ndipu ngajumpha msinkhu wangu nge katundu muzitu.
5 Vilonda vangu vinunkha kweniso vavundaChifukwa cha uzereza wangu.
6 Ndasuzgika ukongwa maŵanaŵanu kweniso ndalopwa ukongwa;Zuŵa losi lamphumphu, nditenda nde ndi chitima.
7 Mukati mwangu mukole motu;*Liŵavu langu losi latama.+
8 Ndazilirika kweniso ndatekenyulika ukongwa;Mtima wangu uŵaŵa ukongwa ndipu utindichitiska kuti nditamanthengi mwakudaniriza.*
9 Yimwi Yehova, vosi vo ndikhumba mutiviziŵa,Ndipu kutamantha kwangu nkhwakubisika cha kwaku yimwi.
10 Mtima wangu ugung’usa ndipu nthazi zangu zamala,Kweniso ukweru wa masu ngangu wandithaŵa.+
11 Abwezi ŵangu kweniso anyangu atindikhwecha chifukwa cha soka langu,Ndipu anyangu ukongwa atuma kutali.
12 Wo apenja umoyu wangu atuthya viŵana;Wo apenja kundipweteka, akamba vinthu vakupasuwa;+Ndipu alongoro vinthu vachinyengu zuŵa losi lamphumphu.
13 Kweni ndivwisiya cha, nge munthu wambula kuvwa;+Kweniso ndijula mulomu wangu cha, nge munthu wambula kulongoro.+
14 Ndaja nge munthu wambula kuvwa,Yo mulomu waki ulivi chakukamba chechosi kuti wajivikiliyi.
15 Pakuti ini ndingulindizga yimwi Yehova,+Ndipu yimwi Yehova Chiuta wangu mungundimuka.+
16 Pakuti ndingukamba kuti: “Yiwu angakondwanga cha chifukwa chaku iniPamwenga kujiŵikamu chifukwa chaku ini asani phazi langu lateremuka.”
17 Pakuti ndinguja kamanavi kuwa,Ndipu urwirwi wangu wenga ndi ini nyengu zosi.+
18 Ndingusumuwa ubudi wangu;+Ubudi wangu ungundisuzga.+
19 Arwani ŵangu mbakupiripita* kweniso mbanthazi,*Ndipu ŵanthu wo atinditinkha kwambula chifukwa aŵa anandi.
20 Yiwu angundiweze viheni pa vamampha;Angundisuska chifukwa cha kuchita cho ntchamampha.
21 Mungandijowonga cha yimwi Yehova.
Yimwi Chiuta, mungajanga kutali cha ndi ini.+
22 Yendesani kuti mundiwovyi,Yimwi Yehova mtaski wangu.+
Mazu Ngam'mphata
^ Pamwenga kuti, “yakukumbusa.”
^ Mazu ngaki chayingu, “Mnofu wangu wosi we umampha cha.”
^ Mazu ngaki chayingu, “Chiunu changu chazaza motu.”
^ Pamwenga kuti, “ndikoromengi.”
^ Mazu ngaki chayingu, “mbamoyu.”
^ Yapa pangafwatulikiya so kuti, “arwani ŵangu wo atinditinkha kwambula chifukwa mbanandi.”
