Masalimo 28:1-9
-
Chiuta watuvwa pempheru la wamasalimo
-
‘Yehova, nthazi zangu kweniso chishangu changu’ (7)
-
Sumu yaku Davidi.
28 Yimwi Yehova Jalawi langu, ini ndidana yimwi;+Mungandijaliyanga gutu linu cha.
Asani mujengi cheti kwambula kundimuka,Ndijengi nge ŵanthu wo asikiya kuzenji.*+
2 Vwani vo nditikuŵeyeriyani asani ndiliya kuti mundiwovyi,Asani ndasoska manja ngangu kulazgiya kuchipinda chamukati ukongwa cha malu nginu ngakupaturika.+
3 Mungandiguguziyanga kutali limoza ndi ŵanthu aheni cha, wo achita vinthu vakupweteka anyawu,+Wo akambiya anyawu mazu ngachimangu kweni mumtima mwe vinthu viheni.+
4 Aweziyeni chifukwa cha ntchitu zawu,+Mwakukoliyana ndi vakuchita vawu viheni.
Aweziyeni chifukwa cha ntchitu za manja ngawu,Mwakukoliyana ndi vo yiwu achita.+
5 Pakuti yiwu atoliyaku kanthu cha vo Yehova wachita,+Kweniso ntchitu za manja ngaki.+
Iyu waŵazengengi cha, kweni mumalu mwaki waŵabwanganduwengi.
6 Yehova watumbikiki,Pakuti iyu wavwa kuliya kwangu kwakupempha chovyu.
7 Yehova ndi nthazi zangu+ kweniso chishangu changu;+Mtima wangu uthemba iyu.+
Ini ndalonde chovyu chaki, ndipu mtima wangu ukondwa,Mwaviyo ndimuthamikengi ndi sumu yangu.
8 Yehova ndi nthazi za ŵanthu ŵaki;Iyu ndi malu ngakuvikilirika, ndipu wapaska wakusankhika waki utaski ukulu.+
9 Taskani ŵanthu ŵinu, kweniso tumbikani chihara chinu.+
Muje mliska wawu, ndipu anyamuweni mumanja nginu mpaka muyaya.+
Mazu Ngam'mphata
^ Pamwenga kuti, “kudindi.”
