Masalimo 141:1-10
Sumu yaku Davidi.
141 Yimwi Yehova, nditikudanani.+
Zani liŵi kuti muzindiwovyi.+
Vwisiyani asani nditikudanani.+
2 Pempheru langu lije nge vakununkhira+ vo vaperekeka pa masu pinu,+Manja ngangu ngo ndasoske muchanya ngaje nge sembi ya mbewu yamazulu.+
3 Yimwi Yehova, ŵikani mulonda pamulomu wangu,Ŵikani mulonda pakhomu la milomu yangu.+
4 Mungazomerezanga cha kuti mtima wangu ukhumbiri chechosi chiheni,+Kweniso kuti ndichiteku vinthu viheni limoza ndi ŵanthu aheni;Ndingaryangaku cha vakurya vawu vamampha.
5 Asani munthu murunji wandipuma, ndikuti wandilongo chanju chambula kumala;+Asani wandichenya, vijengi nge kuti wadira mafuta pamutu wangu,+Ngo mutu wangu ungakanengi cha.+
Ndipu pempheru langu lilutiriyengi chinanga mphanyengu ya masuzgu ngawu.
6 Chinanga kuti akweruzga ŵawu aponyeka pasi kutuliya pamalu ngakusendemuka,Ŵanthu avwisiyengi mazu ngangu, pakuti ngakukondwesa.
7 Nge mo munthu watipuliya dongu ndi kuswa mawuma,Ndimu so viwanga vidu vaparanyikiya pamulomu wa Dindi.*
8 Kweni masu ngangu ngalereska kwaku yimwi, yimwi Yehova Ambuya Fumu Yikulu.+
Ini ndibisama mwaku yimwi.
Mungawutuzgangapu cha umoyu wangu.
9 Ndivikiliyeni ku minyu nga chiŵana cho andithyiya,Ku visali va ŵanthu aheni.
10 Ŵanthu aheni wosi awirengi muvilepa vawu+Kweni ini ndijumphengi umamphaumampha.
Mazu Ngam'mphata
^ Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
