Masalimo 140:1-13
Kwaku yo walongozga sumu. Sumu yaku Davidi.
140 Yimwi Yehova, nditaskeni ku ŵanthu aheni;Ndivikiliyeni ku ŵanthu achiwawa.+
2 Ŵanthu wo anozga vinthu viheni mumitima yawu+Kweniso atambisa vivulupi zuŵa losi lamphumphu.
3 Anora malilimi ngawu kuti ngaje nge nga njoka;+Poyizoni wa vipi we kusi kwa milomu yawu.+ (Selah)
4 Yimwi Yehova ndivikiliyeni ku manja nga ŵanthu aheni;+Ndivikiliyeni ku ŵanthu ankhaza.Wo anozga chiŵembu kuti andiwisi.
5 Ŵanthu akujikuzga atindithyiya chiŵana mwakubisa;Mwakugwiriskiya ntchitu vingwi, atindithyiya chilepa mumphepeti mwa nthowa.+
Yiwu atindithyiya visali.+ (Selah)
6 Ndikambiya Yehova kuti: “Ndimwi Chiuta wangu.
Yimwi Yehova, vwisiyani kuliya kwangu kwakupempha chovyu.”+
7 Yimwi Yehova Ambuya Fumu Yikulu, Mtaski wangu,Muvikiliya mutu wangu pa zuŵa la nkhondu.+
8 Yimwi Yehova, ŵanthu aheni mungaŵapaskanga cha vo akhumba.
Mungazomerezanga cha kuti viŵembu vo anozga vifiskiki kuti aleki kujikuzga.+ (Selah)
9 Mitu ya ŵanthu wo andizunguliyaYibulumutizgiki ndi vinthu viheni vo milomu yawu yakamba.+
10 Maka ngakunyeka ngaŵakhutukiyi.+
Yiwu aponyeki mumotu,Mumazenji ngatali,*+ kuti aleki so kuyuka.
11 Ŵanthu wo akamba vinthu viheni va anyawu aleki kusaniya malu pacharu chapasi.*+
Uheni utchimbizi ŵanthu a chiwawa ndipu uŵabayi.
12 Ndiziŵa kuti Yehova wavikiliya ŵanthu akusikaNdi kupereka urunji ku ŵanthu akavu.+
13 Nadi panu, ŵanthu arunji awongengi zina linu;Ŵanthu akunyoloka ajengi pa masu pinu.+
