Ŵanthu aŵerengeka kuti Mbakaboni aku Yehova asani apharazga mwakujalikiskika uthenga wamampha wa Ufumu waku Chiuta. (Mateyu 24:14) Pa ŵanthu ŵenaŵa, pe Akaboni akubatizika ndipuso wo ŵechendabatiziki kweni akuzomerezeka kuti apharazgengi.

 Awa. Kuti munthu waje Kaboni waku Yehova ndipuso kuti waje ndi maudindu mu gulu lidu, wakhumbika kupereka ndalama cha. (Machitidu 8:18-20) Ŵanthu alembeka mazina cha asani apereka ndalama. Kaboni weyosi wapereka nyengu yaki, nthazi zaki kweniso vinthu vo wenavu kuti wawovyi pa ntchitu yakupharazga yo yichitika pacharu chosi. Iyu wachita venivi mwakukhumba yija kweniso mwakukoliyana ndi mo vinthu viliri pa umoyu waki.—2 Akorinto 9:7.

 Mwezi wewosi, Kaboni waku Yehova weyosi wapereka ku mpingu waki lipoti la vo wachita pa ntchitu yakupharazga. Kweni wachichizgika cha kuti wachiti venivi.

 Malipoti nga apharazgi wosi mumpingu ngaŵerengeka ndipu ngatumizika ku ofesi ya mucharu cho mpingu wo wuli. Pavuli paki, ofesi yitumiza chiŵerengeru cha charu chawu ku likulu lidu la pacharu chosi.

 Kukumaliya kwa chaka cha uteŵeti, a ndipu titachiziŵiya chiŵerengeru cha Akaboni mucharu chechosi mu chaka cho. Viŵerengeru venivi visazgika pamoza kuti aziŵi unandi wa Akaboni aku Yehova pacharu chosi. Pakumaliya paki, lipoti la charu chechosi liŵikika pa webusayiti yidu pa chigaŵa chakuti “Pacharu Chosi.” Malipoti ngenanga ngatitichiska ukongwa nge mo Akhristu akwambiriya nawu achiskikiyanga.—Machitidu 2:41; 4:4; 15:3.

 Chinanga kuti titiŵaŵerengiyaku nge Akaboni cha, kweni titiŵalondere mbwenu pa maunganu ngidu. Anandi mwa ŵanthu ŵenaŵa atuza pa Mwambu Wakukumbukiya nyifwa yaku Yesu. Mwaviyo, chinanga kuti angaŵerengeka pa nyengu iyi, kweni asazgikiyapu cha pa chiŵerengeru cha Akaboni aku Yehova. Mu 2024, ŵanthu wo angusanirika pa Chikumbusu ŵenga 21,119,442.

 Ŵanthu anandi wo aleka kuza ku maunganu ngidu ayanduwa ndi sambiru la Bayibolu lo lichitika kwawezi. Mu 2024, pa avereji, mwezi wewosi tachitisanga masambiru nga Bayibolu ngakukwana 7,480,146, ndipu nyengu zinyaki tasambiranga ndi ŵanthu anandi pa malu ngamoza.

 Dipatimenti ya boma yo yichita kalembela, yifumba waka munthu tchalitchi cho wali, kaya munthu yo walutaku pamwenga cha. Mwakuyeruzgiyapu, a mu dipatimenti yeniyi ku United States, angukamba kuti asani achita kalembela akhumba waka “kuziŵa asani munthu wasopa pamwenga cha.” Angukamba so kuti chiŵerengeru cho asaniya ntchakusimikizgika cha chifukwa ndi “maŵanaŵanu waka nga ŵanthu.” Mwakupambana ndi vo boma lichita, isi tiŵerenga munthu kuti ndi Kaboni waku Yehova asani wapharazga kweniso wapereka lipoti la vo wachita pa ntchitu yakupharazga. Kweni wo akamba waka kuti Mbakaboni aku Yehova kwambula kuchita ivi, titiŵaŵerenga cha.