Kumbi Ndikhumbika Kuja Kaboni Waku Yehova Asani Ndisambira Nawu Bayibolu?
Awa, iyi ndi nkhani yakuchichizga cha. Ŵanthu mamiliyoni nganandi akondwa kusambira ŵaka nasi Bayibolu, kweni aja Akaboni cha. a Tisambira Bayibolu ndi ŵanthu kuti aziŵi vo lisambiza. Musankha mwaŵeni vo mukhumba kuchita ndi vo mwasambira. Munthu wasankha yija kuteŵete Chiuta pamwenga cha.—Yoswa 24:15.
Kumbi ndingagwiriskiya ntchitu Bayibolu langu asani tisambira?
Hinya. Mwe ndi wanangwa wakugwiriskiya ntchitu Bayibolu linu. Chinanga kuti ve viyo, isi tikondwa kugwiriskiya ntchitu Baibulo la Dziko Latsopano la Malemba Opatulika lo ndambula kusuzga kulivwisa, ndipu asani mungayanja, tingakupaskaniku limoza. Mungasambira uthenga wa mu Bayibolu wakukwaskana ndi vo taŵanthu tilindizga kunthazi kweniso wa utaski pafufupi mu Bayibolu lelosi.
Ntchifukwa wuli musambira ndi ŵanthu wo mbachisopa chinu cha?
-
Chifukwa chikulu ntchakuti titanja Yehova Chiuta yo wakhumba kuti Akhristu asambizengi anyawu vo yiwu asambira. (Mateyu 22:37, 38; 28:19, 20) Mwaviyo, isi tiwona kuti ndi mwaŵi ukulu ‘kugwira ntchitu limoza ndi Chiuta’ pakovya ŵanthu kuti aziŵi vo Mazu ngaki ngakamba.—1 Akorinto 3:6-9.
-
Tichita so venivi chifukwa chakuti titanja anyidu. (Mateyu 22:39) Ndipu tikondwa ukongwa kukambiyaku anyidu vinthu vamampha vo tasambira.—Machitidu 20:35.
a Kukuwa kwa ntchitu yidu yakusambiza ŵanthu Bayibolu, mu 2023 tasambiranga Bayibolu ndi ŵanthu akukwana 7,281,212 mwezi wewosi. Ndipu kanandi tasambiranga Bayibolu ndi ŵanthu anandi pa nyengu yimoza. Kweni ŵanthu 269,517 pe ndiwu angubatizika ndi kuja Akaboni aku Yehova mu chaka chenichi.
Mungayanja Kuŵerenga so Nkhani Izi
MAFUMBU NGO ŴANTHU AFUMBA KAŴIKAŴI
Kumbi Akaboni aku Yehova Agomezganji?
Ziŵani vinyaki mwa vinthu vo tigomezga.
VAKUKWASKANA NDI ISI
Kumbi Sambiru la Bayibolo Lichitika Wuli?
Pacharu chosi chapasi Akaboni aku Yehova aziŵika ndi nchitu yakusambiza ŵanthu Bayibolo. Wonani mo achitiya.
MAFUMBU NGO ŴANTHU AFUMBA KAŴIKAŴI
Kumbi Sambiru la Bayibolu lo Akaboni aku Yehova Achitiska Ntchinthu Wuli?
Kuziya mu pulogilamu yawezi ya kusambira Bayibolu ndi Akaboni aku Yehova, mungagwiriskiya ntchitu Bayibolu lelosi. Mungadaniyaku banja linu losi pamwenga mabwezi nginu pa sambiru.
MAFUMBU NGO BAYIBOLU LIMUKA
Kumbi ndi Vinthu Wuli vo Vingakuwovyani Kuti Mulivwisengi Bayibolu?
Kaya mukukuliya pani, mungawuvwisa umampha uthenga waku Chiuta wo we mu Malemba Ngakupaturika.
VO BAYIBOLU LISAMBIZA
Yesesani Kusambira Bayibolu
Sambirani Bayibolu kwawezi ndi munthu yo wakusambizeningi.