Siope 4:1-21
4 Naʻe tali ange leva ʻe ʻElifasi+ mei Tīmaní ʻo pehē:
2 “Kapau ʻe feinga ha tokotaha ke lea atu kiate koe, te ke kina koā?
He ko hai ʻe lava ke ne taʻofi ʻene leá?
3 Ko e moʻoni, kuó ke fakatonutonu ha tokolahi,Peá ke faʻa fakaivimālohiʻi ʻa e ngaahi nima vaivaí.
4 Ko hoʻo ngaahi leá kuó ne fokotuʻu hake ha taha kuo humu,Peá ke fakaivimālohiʻi ʻa e faʻahinga kuo ngāvaivai honau tuí.
5 Ka ko eni kuo hoko ia kiate koe, pea kuo lōmekina ai koe;*ʻOkú ne faʻaki kiate koe, pea ʻokú ke puputuʻu ai.
6 ʻOku ʻikai koā ke ʻoatu kiate koe ʻe hoʻo fakaʻapaʻapa ki he ʻOtuá ha falala pau?
ʻOku ʻikai koā ke ʻoatu ʻe hoʻo ʻaʻeva ʻi he anga-tonú+ ha ʻamanaki kiate koe?
7 Manatu muʻa: Ko hai ha tangata tonuhia kuo ʻauha?
Naʻe ʻanefē hano fakaʻauha ʻa e faitotonú?
8 Ko e meʻa kuó u vakai ki aí ko e faʻahinga ʻoku nau ngoueʻi* ʻa e meʻa ʻoku kovíPea mo e faʻahinga ʻoku nau tō ʻa e faingataʻá te nau utu pē ʻa e meʻa ko iá.
9 ʻI he mānava ʻa e ʻOtuá ʻoku nau ʻauha ai,Pea ʻi ha pā mai ʻene houhaú ʻoku nau ʻosi ai.
10 ʻOku ngungulu ʻa e laioné, pea ʻoku tangi ʻa e laione muí,Ka naʻa mo e nifo ʻo e fanga laione mālohí ʻoku motu ia.
11 ʻOku mate ha laione ʻi he siʻi ʻene meʻakaí,Pea ʻoku movetevete ʻa e ʻuhiki ʻo e laioné.
12 Naʻe ʻi ai ha lea naʻe ʻomi fakapulipuli kiate au,Pea naʻe aʻu mai ki hoku telingá hono vanavanaikí.
13 ʻI he hohaʻatuʻu ʻeku fakakaukaú lolotonga ʻeku vīsone poʻulí,Lolotonga ʻa e māʻumohe ʻa e kakaí,
14 Naʻe tō ha fuʻu manavahē kiate au,ʻO fakafonu hoku ngaahi huí kotoa ʻaki ʻa e ilifia.
15 Naʻe maʻali hake ha laumālie ʻi muʻa ʻi hoku matá;Pea naʻe tuʻu ʻa e fulufulu ʻo hoku sinó.
16 Naʻe tuʻu leva ia,Ka naʻe ʻikai te u fakatokangaʻi ʻa hono fōtungá.
Ko ha ʻata pē naʻe ʻi muʻa ʻi hoku matá;Naʻe ʻi ai ha nonga, pea naʻá ku fanongo leva ki ha leʻo:
17 ‘ʻE lava ki ha tangata ko ha meʻa noa pē ke lahi ange ʻene māʻoniʻoní ʻi he ʻOtuá?
ʻE maʻa ange ha tangata ʻi hono Tokotaha-Ngaohí?’
18 Vakai! ʻOku ʻikai haʻane falala ki heʻene kau sevānití,Pea ʻokú ne fakasio ʻa e faihala ʻa ʻene kau ʻāngeló.*
19 Huanoa ange ai ʻa e faʻahinga ʻoku nofo ʻi he ngaahi fale ʻumeá,ʻOku nau fakavaʻe ʻi he efu+ pē,ʻA ia ʻoku laikingofua ʻo hangē ha kiʻi muú!
20 ʻOku laiki ʻosi kinautolu mei he pongipongi ki he efiafi;ʻOku nau ʻauha ʻo taʻengata, pea ʻoku ʻikai tokanga ki ai ha taha.
21 ʻIkai ʻoku nau hangē ha tēniti kuo toʻo hono ngaahi afó?
ʻOku nau mate ʻo ʻikai ha poto.
Fakamatala ‘i Lalo
^ Fakafoʻilea, “ʻokú ke hoko ʻo ongosia ai.”
^ Pe “faʻufaʻu.”
^ Pe “kau talafekaú.”
