Saame 90:1-17
Ko ha lotu ʻa Mōsese, ko e tangata ʻa e ʻOtua moʻoní.+
90 ʻE Sihova, kuó ke hoko ko homau nofoʻanga*+ ʻi he ngaahi toʻutangatá kotoa.
2 Ki muʻa ke fanauʻi ʻa e ngaahi moʻungáPe ʻi hoʻo ʻomai* ʻa e māmaní mo e fonua mahú,+Mei he taʻengata ki he taʻengata,* ko koe ʻa e ʻOtuá.+
3 ʻOkú ke ʻai ʻa e tangata ko e meʻa noa peé ke foki ki he efú;ʻOkú ke pehē: “Mou foki, ʻa kimoutolu ngaahi foha ʻo e tangatá.”+
4 He ko ha taʻu ʻe taha afe ʻi hoʻo vakaí ʻoku hangē pē ia ko e ʻaneafí ʻa ʻene mahili atú,+Hangē pē ko ha leʻo ʻi he lolotonga ʻa e poʻulí.
5 ʻOkú ke tafiʻi atu kinautolu;+ ʻoku nau hoko ʻo hangē ha mohe peé;ʻI he pongipongí ʻoku nau hangē ko e musie ʻoku tupu haké.+
6 ʻI he pongipongí ʻoku talamuka pea fakafoʻou,Ka ʻi he efiafí ʻoku mae pea mōmoa ia.+
7 He ʻoku keina kimautolu ʻe hoʻo houhaú+Pea ʻoku mau manavahē ʻi hoʻo tuputāmakí.
8 ʻOkú ke fokotuʻu ʻemau faihalá ʻi muʻa ʻiate koe;*+ʻOku fakaeʻa ʻe he maama ʻo ho fofongá+ ʻemau ngaahi meʻa fakapulipulí.
9 Ko homau ngaahi ʻahó* ʻoku mole atu koeʻuhi ko hoʻo houhaú;Pea ko homau ngaahi taʻú ʻoku ngata ʻo hangē ha fafaná.*
10 Ko e lōloa ʻo ʻemau moʻuí ko e taʻu ʻe 70,Pe 80+ kapau ʻokú te mātuʻaki mālohi.*
Ka ʻoku fonu ia ʻi he faingataʻa mo e mamahi;ʻOku puli vave ia, pea ʻoku mau puna atu.+
11 Ko hai ia ʻe lava ke ne ʻiloʻi ʻa e mālohi ʻo hoʻo houhaú?
Ko hoʻo tuputāmakí ʻoku lahi tatau ia mo e manavahēʻia ʻoku tuha mo koé.+
12 Akoʻi kimautolu ki he founga ke mau lau ai homau ngaahi ʻahó+Koeʻuhí ke mau maʻu ai ha loto-poto.
13 Foki mai, ʻe Sihova!+ Ko e hā hono fuoloa ʻo e meʻá ni?+
Manavaʻofa mai muʻa ki hoʻo kau sevānití.+
14 Fakafiemālieʻi kimautolu ʻaki hoʻo ʻofa mateakí+ ʻi he pongipongí,Koeʻuhí ke mau kaila fiefia mo hākailangitau+ ʻi he lolotonga homau ngaahi ʻahó kotoa.
15 ʻAi ke mau fiefia ʻo fehoanaki mo e ngaahi ʻaho kuó ke ʻai ai ke mau faingataʻaʻiá,+Ke tatau mo e ngaahi taʻu kuo mau hokosia ai ʻa e faingataʻá.+
16 ʻOfa ke sio ʻa hoʻo kau sevānití ki hoʻo ngāué,Pea ʻofa ke sio ʻa honau ngaahi fohá ki ho lāngilangí.+
17 ʻOfa ke ʻiate kimautolu ʻa e hōifua ʻa Sihova ko homau ʻOtuá;ʻOfa ke ke ʻai ke lakalakaimonū* ʻa e ngāue ʻa homau nimá.
ʻIo, ke lakalakaimonū* ʻa e ngāue ʻa homau nimá.+
Fakamatala ‘i Lalo
^ Pe ngalingali, “ko homau hūfangaʻanga.”
^ Pe “ʻomai ʻo hangē ʻi ha langā.”
^ Pe “Mei ʻitāniti ki ʻitāniti.”
^ Pe “ʻOkú ke lāuʻilo ki heʻemau faihalá.”
^ Pe “Ko ʻemau moʻuí.”
^ Pe “māpuhoí.”
^ Pe “koeʻuhi ko ha mālohi makehe.”
^ Pe “fokotuʻu maʻu.”
^ Pe “fokotuʻu maʻu.”
