Saame 86:1-17
Ko ha lotu ʻa Tēvita.
86 Fokotuʻu telinga* mai muʻa, ʻe Sihova, pea fai mai ha tali kiate au,He ʻoku ou faingataʻaʻia mo masiva.+
2 Leʻohi ʻa ʻeku moʻuí, he ʻoku ou mateaki.+
Fakahaofi hoʻo sevānití ʻa ia ʻoku falala atu kiate koé,He ko koe ʻa hoku ʻOtuá.+
3 Fakahaaʻi mai hoʻo hōifuá kiate au, ʻe Sihova,+He ʻoku ou ui kiate koe ʻi he ʻahó kotoa.+
4 ʻAi hoʻo sevānití ke fiefia,He ʻoku ou hanga atu kiate koe, ʻe Sihova.
5 He ko koe, ʻe Sihova, ʻokú ke lelei+ mo mateuteu ke fakamolemole;+ʻOkú ke mohu ʻi he ʻofa mateaki ki he faʻahinga kotoa ʻoku ui atu kiate koé.+
6 Fanongo mai, ʻe Sihova, ki heʻeku lotú;Pea tokanga mai muʻa ki heʻeku tautapa ki ha tokoní.+
7 ʻOku ou ui kiate koe ʻi he ʻaho ʻo ʻeku mamahí,+He te ke fai mai ha tali kiate au.+
8 ʻOku ʻikai ha taha ʻe tatau mo koe ʻi he lotolotonga ʻo e ngaahi ʻotuá, ʻe Sihova,+ʻOku ʻikai ha ngāue ʻe tatau mo hoʻo ngaahi ngāué.+
9 Ko e puleʻanga kotoa pē naʻá ke ngaohiTe nau omi ʻo punou ʻi ho ʻaó, ʻe Sihova,+Pea te nau ʻoatu ʻa e lāngilangi ki ho huafá.+
10 He ʻokú ke lahi pea ʻokú ke fai ʻa e ngaahi meʻa fakaofo;+Ko koe ʻa e ʻOtuá, ko koe pē toko taha.+
11 Fakahinohinoʻi au, ʻe Sihova, ʻo fekauʻaki mo ho halá.+
Te u ʻaʻeva ʻi hoʻo moʻoní.+
Fakafāʻūtahaʻi ʻa hoku lotó* ke u manavahē ki ho huafá.+
12 ʻOku ou fakahīkihikiʻi koe, ʻe Sihova ko hoku ʻOtua, ʻaki hoku lotó kotoa,+Pea te u fakalāngilangiʻi ho huafá ʻo taʻengata,
13 He ko hoʻo ʻofa mateaki kiate aú ʻoku lahi,Pea kuó ke fakahaofi ʻeku moʻuí mei he takele ʻo e Faʻitoká.*+
14 ʻE ʻOtua, ko e kau tangata ʻafungí ʻoku nau tuʻu ʻo fakafepaki mai kiate au;+Ko ha kau tangata anga-kovi ʻoku nau feinga ke toʻo ʻeku moʻuí,Pea ʻoku ʻikai haʻanau tokaʻi koe.*+
15 Ka ko koe, ʻe Sihova, ko ha ʻOtua mohu meesi mo manavaʻofa,*Tuai ki he houhau pea fonu ʻi he ʻofa mateaki mo e faitōnunga.*+
16 Tafoki mai muʻa pea fakahaaʻi kiate au ʻa e hōifuá.+
Foaki mai ho iví ki hoʻo sevānití,+Pea fakahaofi ʻa e tama ʻa hoʻo kaunangá.
17 Fakahaaʻi kiate au ha fakaʻilonga* ʻo hoʻo leleí,Koeʻuhi ke sio ki ai ʻa e faʻahinga ʻoku fehiʻa kiate aú pea nau hoko ʻo mā.
He ko koe, ʻe Sihova, ʻa hoku tokoní mo hoku fakafiemālié.
Fakamatala ‘i Lalo
^ Pe “Punou hifo ʻo fanongo.”
^ Pe “Foaki mai kiate au ha loto kakato.”
^ Pe “ʻo Seolí,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
^ Pe “ʻikai te nau fokotuʻu koe ʻi muʻa ʻiate kinautolu.”
^ Pe “anga-ʻofa.”
^ Pe “moʻoni.”
^ Pe “fakamoʻoni.”
