Saame 31:1-24
Ki he pule hivá. Ko e hiva ʻa Tēvita.
31 Ko koe, ʻe Sihova, kuó u hūfanga ki aí.+
ʻOfa ke ʻoua ʻaupito naʻa fakamaaʻi au.+
Fakahaofi au koeʻuhi ko hoʻo māʻoniʻoní.+
2 Fokotuʻu telinga* mai muʻa kiate au.
Haʻu vave ʻo fakahaofi au.+
Ke ke hoko ko ha moʻunga fakaū kiate au,Ko ha feituʻu fakakolotau ke fakahaofi ai au.+
3 He ko koe ʻa hoku makatuʻú mo hoku toitoiʻangá;+Koeʻuhi ko ho huafá,+ te ke tataki mo fakahinohinoʻi au.+
4 Te ke fakavetevete au mei he kupenga kuo nau fakatoka fakafufū kiate aú,+He ko koe ʻa hoku kolotaú.+
5 ʻOku ou tuku atu hoku laumālié ki ho toʻukupú.+
Kuó ke huhuʻi au, ʻe Sihova, ko e ʻOtua ʻo e moʻoní.*+
6 ʻOku ou fehiʻa ʻi he faʻahinga ʻoku nau līʻoa ki he ngaahi ʻaitoli taʻemahuʻinga mo muná,Ka ko e meʻa kiate aú, ʻoku ou falala kia Sihova.
7 Te u mātuʻaki fiefia ʻi hoʻo ʻofa mateakí,He kuó ke ʻafioʻi ʻa ʻeku tuʻutāmakí;+ʻOkú ke lāuʻilo ki heʻeku fuʻu mamahí.
8 Kuo ʻikai te ke tuku atu au ki he filí,Ka ʻokú ke ʻai au ke u tuʻu ʻi ha feituʻu malu.*
9 Fakahaaʻi mai kiate au hoʻo hōifuá, ʻe Sihova, he ʻoku ou faingataʻaʻia.
Kuo ʻai ʻe he mamahí ʻa hoku matá ke vaivai,+ pea pehē ki hoku sinó kotoa.+
10 ʻOku keina ʻa ʻeku moʻuí ʻe he mamahí+Pea mo hoku ngaahi taʻú ʻe he toʻé.+
ʻOku hōloa ʻa hoku iví koeʻuhi ko ʻeku fehālaakí;ʻOku hoko ʻo vaivai ʻa hoku ngaahi huí.+
11 ʻOku lumaʻi au ʻe he kotoa ʻo hoku ngaahi filí,+Tautefito ki hoku ngaahi kaungāʻapí.
Pea ʻoku ilifiaʻi au ʻe hoku ngaahi mahení;ʻOku nau hola meiate au,+ ʻi heʻenau sio kiate au ʻi he feituʻu kakaí.
12 ʻOku ʻikai te u toe ʻi honau lotó* pea kuo ngalo au, ʻo hangē kuó u maté;ʻOku ou hangē ko ha siā kuo mafoá.
13 Kuó u fanongo ʻi he ngaahi talanoa sasala lahi ʻoku kovi;ʻOku kāpui au ʻe he manavaheé.+
ʻI heʻenau fakatahataha ke fai ha meʻa kiate aú,ʻOku nau faʻufaʻu ke toʻo ʻa ʻeku moʻuí.+
14 Ka ko aú ʻoku ou falala kiate koe, ʻe Sihova.+
ʻOku ou talaki: “Ko koe ʻa hoku ʻOtuá.”+
15 Ko hoku ngaahi ʻahó* ʻoku ʻi ho nimá.
Fakahaofi au mei he nima ʻo hoku ngaahi filí pea mei he faʻahinga ʻoku nau fakatangaʻi aú.+
16 ʻAi muʻa ke ulo mai ho fofongá ki hoʻo sevānití.+
Fakahaofi au ʻaki hoʻo ʻofa mateakí.
17 ʻE Sihova, ʻofa ke ʻoua naʻa fakamaaʻi au ʻi heʻeku ui kiate koé.+
ʻOfa ke fakamaaʻi+ ʻa e kau fulikivanú;ʻOfa ke fakasīlongoʻi kinautolu ʻi he Faʻitoká.*+
18 ʻOfa ke hoko ʻo noa ʻa e ngaahi loungutu loí,+ʻA e ngaahi loungutu ʻoku lea pōlepole ki he māʻoniʻoní, ʻi he hīkisia mo e taʻetokaʻí.
19 He lahi moʻoni ē ko hoʻo leleí!+
Kuó ke tuku tauhi ia maʻá e faʻahinga ʻoku manavahē kiate koé,+Pea kuó ke fakahaaʻi ia ʻi he ʻao ʻo e kau tangata kotoa, maʻá e faʻahinga ʻoku hūfanga kiate koé.+
20 Te ke fufū kinautolu ʻi he potu lilo ʻi ho ʻaó+Mei he ngaahi faʻufaʻu ʻa e kau tangatá;Te ke fufū kinautolu ʻi ho nofoʻanga malúMei he ngaahi ʻohofi fakalotokoví.*+
21 ʻOfa ke fakahīkihikiʻi ʻa Sihova,He ʻi ha founga fakaofo, kuó ne fakahaaʻi ai ʻa ʻene ʻofa mateakí kiate au+ ʻi ha kolo kuo ʻākoloʻi.+
22 Ko e meʻa kiate aú, naʻá ku manavasiʻi peá u pehē;“Te u ʻauha ʻi ho ʻaó.”+
Ka naʻá ke fanongo ki heʻeku tautapa ki ha tokoni ʻi he taimi naʻá ku tangi atu ai kiate koé.+
23 ʻOfa kia Sihova, ʻa kimoutolu kotoa ʻoku mateaki kiate iá!+
ʻOku maluʻi ʻe Sihova ʻa e faitōnungá,+Ka ʻokú ne totongi fakafoki ʻo hulu fau ki ha taha pē ʻokú ne fakahāhā ʻa e hīkisiá.+
24 Ke mou loto-toʻa, pea ʻofa ke mālohi ʻa homou lotó,+ʻA kimoutolu kotoa ʻoku tatali kia Sihová.+
Fakamatala ‘i Lalo
^ Pe “Punou hifo ʻo fanongo.”
^ Pe “ʻOtua faitōnungá.”
^ Pe “feituʻu ʻataʻatā.”
^ Pe “ʻatamaí.”
^ Fakafoʻilea, “taimí.”
^ Pe “ʻi Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
^ Fakafoʻilea, “Mei he ngaahi ʻelelo fakakikihí.”
