Saame 28:1-9
-
Ongona ʻa e lotu ʻa e tokotaha-tohi-sāmé
-
‘Sihova, ko hoku mālohi mo e pā’ (7)
-
Saame ʻa Tēvita.
28 ʻOku ou ui ai pē kiate koe, ʻe Sihova ko hoku Makatuʻu;+ʻOua naʻá ke taʻefiefanongo kiate au.
Kapau te ke sīlongo ai pē kiate au,Te u hangē ko e faʻahinga ko ia ʻoku ʻalu hifo ki he luó.*+
2 Fanongo mai muʻa ki heʻeku tautapá ʻi heʻeku tangi atu kiate koe ki ha tokoníʻI heʻeku hiki hake hoku nimá ki he loki taupotu taha ki loto ʻi ho feituʻu toputapú.+
3 ʻOua naʻá ke toho atu au fakataha mo e kau fulikivanú, ʻa kinautolu ʻoku nau fai ʻa e meʻa ʻoku fakalotomamahí,+ʻA kinautolu ʻoku nau leaʻaki ʻa e lea fakamelino ki he niʻihi kehé lolotonga ia ʻoku kovi ʻa honau lotó.+
4 Totongi fakafoki kiate kinautolu ʻa ʻenau ngaahi ngāué,+ʻO fakatatau ki heʻenau ngaahi faikoví.
Totongi kiate kinautolu ʻa e ngāue ʻa honau nimá,ʻO fakatatau ki he meʻa kuo nau faí.+
5 He ʻoku ʻikai te nau tokanga ki he ngaahi ngāue ʻa Sihová,+Pe ki he ngāue ʻa hono nimá.+
Te ne lī kinautolu ki lalo ʻo ʻikai ke fokotuʻu hake.
6 ʻOfa ke fakahīkihikiʻi ʻa Sihova,He kuó ne fanongo ki heʻeku tautapa ki ha tokoní.
7 Ko Sihova ʻa hoku mālohí+ mo ʻeku paá;+ʻOku falala kiate ia ʻa hoku lotó.+
Kuó u maʻu ʻa ʻene tokoní, pea ʻoku fiefia ʻa hoku lotó,Ko ia te u fakahīkihikiʻi ia ʻaki ʻeku hiva.
8 Ko Sihová ko ha mālohi ki hono kakaí;Ko ha maluʻanga ia, ʻokú ne ʻomai ha fuʻu fakamoʻui ki heʻene tokotaha paní.+
9 Fakahaofi ho kakaí, pea tāpuakiʻi ho tofiʻá.+
Hoko ko honau tauhi-sipi pea fua kinautolu ʻi ho nimá ʻo taʻengata.+
Fakamatala ‘i Lalo
^ Pe “faʻitoká.”
