Saame 118:1-29
118 Fakamālō kia Sihova, he ʻoku lelei ia;+Ko ʻene ʻofa mateakí ʻoku tolonga ʻo taʻengata.
2 Tuku ke pehē ʻe ʻIsileli he taimí ni:
“Ko ʻene ʻofa mateakí ʻoku tolonga ʻo taʻengata.”
3 Tuku ke pehē ʻe he faʻahinga ʻo e fale ʻo ʻĒloné he taimí ni:
“Ko ʻene ʻofa mateakí ʻoku tolonga ʻo taʻengata.”
4 Tuku ke pehē ʻe he faʻahinga ʻoku manavahē kia Sihová he taimí ni:
“Ko ʻene ʻofa mateakí ʻoku tolonga ʻo taʻengata.”
5 Naʻá ku ui kia Iā* ʻi heʻeku mamahí:
Naʻe fai mai ʻe Iā ha tali pea ʻomi au ki ha feituʻu malu.*+
6 ʻOku kau mo au ʻa Sihova; ʻe ʻikai te u ilifia.+
Ko e hā ʻe lava ke fai mai ʻe he tangatá kiate au?+
7 ʻOku kau mo au ʻa Sihova ko hoku tokoni;*+Te u vakai atu ki he tō ʻa e faʻahinga ʻoku fehiʻa mai kiate aú.+
8 ʻOku lelei ange ke hūfanga kia SihovaʻI he falala ki he tangatá.+
9 ʻOku lelei ange ke hūfanga kia SihovaʻI he falala ki he kau houʻeikí.+
10 Naʻe takatakaiʻi au ʻe he ngaahi puleʻangá kotoa,Ka ʻi he huafa ʻo Sihová,Naʻá ku taʻofituʻu kinautolu.+
11 Naʻa nau takatakaiʻi au, ʻio, naʻa nau takatakaiʻi fakaʻaufuli au,Ka ʻi he huafa ʻo Sihová,Naʻá ku taʻofituʻu kinautolu.
12 Naʻa nau kāpui au ʻo hangē ha fanga honé,Ka naʻe vave hono fakaʻauha kinautolú ʻo hangē ko ha afi ʻi ha lotolotonga ʻo ha ʻakau talatalá.
ʻI he huafa ʻo Sihová,Naʻá ku taʻofituʻu kinautolu.+
13 Naʻe tekeʻi mālohi au* koeʻuhí ke u tō,Ka naʻe tokoniʻi au ʻe Sihova.
14 Ko Iā ʻa hoku maluʻangá mo hoku mālohingá,Pea kuó ne hoko ko hoku fakamoʻui.+
15 Ko e leʻo ʻo e fiefia mo e fakamoʻui*ʻOku ʻi he ngaahi tēniti ʻo e kau māʻoniʻoní.
Ko e nima toʻomataʻu ʻo Sihová ʻokú ne fakahāhā ʻa hono mālohí.+
16 Ko e nima toʻomataʻu ʻo Sihová ʻoku hiki māʻolunga hake ʻi he ikuna;Ko e nima toʻomataʻu ʻo Sihová ʻokú ne fakahāhā ʻa hono mālohí.+
17 ʻE ʻikai te u mate, ʻe ʻikai, ka te u moʻui,Koeʻuhí ke talaki ʻa e ngaahi ngāue ʻa Iaá.+
18 Naʻe akonakiʻi fefeka au ʻe Iā,+Ka naʻe ʻikai te ne tuku atu au ki he maté.+
19 Fakaava kiate au ʻa e ngaahi matapā ʻo e māʻoniʻoní;+Te u hū atu ai ʻo fakahīkihikiʻi ʻa Iā.
20 Ko e matapā eni ʻa Sihová.
ʻE hū atu ai ʻa e māʻoniʻoní.+
21 Te u fakahīkihikiʻi koe, he naʻá ke fai mai ha tali kiate au+Pea naʻá ke hoko ko hoku fakamoʻui.
22 Ko e maka naʻe siʻaki ʻe he kau tufungáKuo hoko ia ko e maka-tuliki tefitó.*+
23 Kuo hoko ʻa e meʻá ni meia Sihova;+ʻOku fakaofo ia ki hotau matá.+
24 Ko e ʻaho eni kuo ngaohi ʻe Sihova;Te tau fiefia pea nēkeneka ai.
25 ʻE Sihova, fakahaofi muʻa kimautolu, ʻoku mau kōlenga atu!
ʻE Sihova, tuku mai muʻa ke mau ikuna!
26 Ke faitāpuekina ʻa e tokotaha ʻoku haʻu ʻi he huafa ʻo Sihová;+ʻOku mau faitāpuekina kimoutolu mei he fale ʻo Sihová.
27 Ko Sihova ʻa e ʻOtuá;ʻOkú ne ʻomai kiate kitautolu ʻa e maama.+
Kau ʻi he laka ʻo e kātoangá mo e ngaahi vaʻa ʻi homou nimá,+ʻO aʻu ki he ngaahi meʻatui ʻo e ʻōlitá.+
28 Ko koe ʻa hoku ʻOtuá, pea te u fakahīkihikiʻi koe;ʻE hoku ʻOtua, te u hakeakiʻi koe.+
29 Fakamālō kia Sihova,+ he ʻoku lelei ia;Ko ʻene ʻofa mateakí ʻoku tolonga ʻo taʻengata.+
Fakamatala ‘i Lalo
^ Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
^ Pe “ki ha feituʻu ʻataʻatā.”
^ Pe ngalingali, “fakataha mo e faʻahinga ʻoku nau tokoniʻi aú.”
^ Pe ngalingali, “Naʻá ke tekeʻi mālohi au.”
^ Pe “ikuna.”
^ Fakafoʻilea, “ko e ʻulu ʻo e maka-tulikí.”
