Saame 115:1-18
115 ʻOku ʻikai ʻamautolu, ʻe Sihova, ʻoku ʻikai ʻamautolu,*Ka ko ho huafá ʻe ʻoatu ki ai ʻa e lāngilangí+Koeʻuhi ko hoʻo ʻofa mateakí mo hoʻo faitōnungá.+
2 Ko e hā ke pehē ai ʻe he ngaahi puleʻangá:
“Ko fē ʻa honau ʻOtuá?”+
3 Ko homau ʻOtuá ʻoku ʻi he langí;ʻOkú ne fai ha meʻa pē ʻokú ne finangalo ki ai.
4 Ko honau ngaahi ʻaitolí ko e siliva mo e koula,Ko e ngāue ʻa e nima ʻo e tangatá.+
5 ʻOku ʻi ai honau ngutu, ka ʻoku ʻikai lava ke nau lea;+Ko e mata, ka ʻoku ʻikai lava ke nau sio;
6 ʻOku ʻi ai honau telinga, ka ʻoku ʻikai lava ke nau fanongo;Ko ha ihu, ka ʻoku ʻikai lava ke nau nāmuʻi ha meʻa;
7 ʻOku ʻi ai honau nima, ka ʻoku ʻikai lava ke nau puke ha meʻa;Ko e vaʻe, ka ʻoku ʻikai lava ke nau lue;+ʻOku ʻikai ha leʻo ʻe ongo mai ʻi honau mongá.+
8 Ko e kakai ʻoku nau ngaohi kinautolú te nau hoko ʻo hangē tofu pē ko kinautolú,+Pea ʻe pehē pē mo e faʻahinga kotoa ʻoku falala kiate kinautolú.+
9 ʻE ʻIsileli, falala kia Sihova+—Ko ia ʻa honau tokoní mo ʻenau paá.+
10 ʻE fale ʻo ʻĒlone,+ falala kia Sihova—Ko ia ʻa honau tokoní mo ʻenau paá.
11 ʻA kimoutolu ʻoku manavahē kia Sihová, falala kia Sihova+—Ko ia ʻa honau tokoní mo ʻenau paá.+
12 ʻOku manatua kitautolu ʻe Sihova pea te ne tāpuakiʻi;Te ne tāpuakiʻi ʻa e fale ʻo ʻIsilelí;+Te ne tāpuakiʻi ʻa e fale ʻo ʻĒloné.
13 Te ne tāpuakiʻi ʻa kinautolu ʻoku manavahē kia Sihová,ʻA e iiki pea pehē ki he lalahi.
14 ʻE fakatokolahi kimoutolu ʻe Sihova,ʻA kimoutolu mo hoʻomou fānaú.*+
15 ʻOfa ke tāpuakiʻi kimoutolu ʻe Sihova,+ʻA e Tokotaha-Ngaohi ʻo e langí mo e māmaní.+
16 Ko e langí, ʻoku ʻa Sihova ia,+Ka ko e māmaní kuó ne foaki ia ki he ngaahi foha ʻo e tangatá.+
17 ʻOku ʻikai ke fakahīkihikiʻi ʻe he kau maté ʻa Iā;+Pe ko ha taha pē ʻoku ʻalu hifo ki he fakalongo pē ʻa maté.*+
18 Ka te mau fakahīkihikiʻi ʻa IāMei he taimí ni ʻo taʻengata.
Mou fakahīkihikiʻi ʻa Iā!*
Fakamatala ‘i Lalo
^ Pe “ʻOku ʻikai te mau tuha mo ha meʻa, ʻe Sihova, ʻoku ʻikai te mau tuha mo ha meʻa.”
^ Fakafoʻilea, “homou ngaahi fohá.”
^ Fakafoʻilea, “fakalongo peé.”
^ Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
