Saame 11:1-7
Ki he pule hivá. Saame ʻa Tēvita.
11 Ko Sihova kuó u hūfanga ki aí.+
Ko ia ʻe lava fēfē ke mou pehē mai kiate au:
“Hola ʻo hangē ha manupuná ki ho moʻungá!
2 Sio ki he anga hono fusiʻi ʻe he kau fulikivanú ʻa e kaufaná;ʻOku nau fokotuʻu ʻenau ngahaú ʻi he afo ʻo e kaufaná,Ke fana mei he fakapoʻulí ki he faʻahinga ʻoku loto-totonú.
3 ʻI hono holoki ʻa e ngaahi makatuʻungá,*Ko e hā ʻe lava ke fai ʻe he māʻoniʻoní?”
4 Ko Sihova ʻoku ʻi hono temipale tapú.+
Ko e taloni ʻo Sihová ʻoku ʻi he langí.+
ʻOku ʻafioʻi ʻe hono fofongá, ko hono fofonga ʻiloʻiló* ʻokú ne sivi ʻa e ngaahi foha ʻo e tangatá.+
5 Ko Sihova ʻokú ne sivi ʻa e tokotaha māʻoniʻoní pea pehē ki he tokotaha fulikivanú;+ʻOkú ne fehiʻa ʻi ha taha pē ʻoku ʻofa ki he fakamālohí.+
6 Te ne fakaʻuha hifo ʻa e ngaahi tauhele* ki he kau fulikivanú;ʻE hoko ʻa e afi mo e sūlifa+ mo ha matangi vela ko e ʻinasi ia ʻo ʻenau ipú.
7 He ko Sihová ʻoku māʻoniʻoni;+ ʻokú ne ʻofa ki he ngaahi ngāue māʻoniʻoní.+
Ko e faitotonú te ne sio ki hono fofongá.*+
Fakamatala ‘i Lalo
^ Pe “ngaahi makatuʻunga ʻo e fakamaau totonú.”
^ Pe “ulouló.”
^ Pe ngalingali, “ngaahi malala uloulo.”
^ Pe “hokosia ʻa ʻene hōifuá.”
