Hiva ʻa Solomone 8:1-14
-
Finemui (1-4)
-
“Taumaiā naʻá ke hangē ko haku tuongaʻané” (1)
-
-
Fanga tuongaʻane ʻo e finemuí (5a)
-
‘Ko hai eni, ʻokú ne falala atu ki hono ʻofaʻangá?’
-
-
Finemui (5e-7)
-
“Ko e ʻofá ʻoku mālohi ʻo hangē ko e maté” (6)
-
-
Fanga tuongaʻane ʻo e finemuí (8, 9)
-
“Kapau ko ha ʻā ia, . . . ka ʻo kapau ko ha matapā ia, . . . ” (9)
-
-
Finemui (10-12)
-
“Ko ha ʻā au” (10)
-
-
Tauhi-sipi (13)
-
‘Tuku ke u fanongo ki ho leʻó’
-
-
Finemui (14)
-
“Ke ke veʻe-vave ʻo hangē ha kāseli”
-
8 “Taumaiā naʻá ke hangē ko haku tuongaʻané,ʻA ia naʻe fakahuhu ʻi he ongo huhu ʻo ʻeku faʻeé!
Pea ka u ka ʻilo koe ʻi tuʻa, te u ʻuma atu kiate koe,+Pea ʻe ʻikai ke manuki mai ha taha kiate au.
2 Te u taki koe;Te u ʻomi koe ki he fale ʻo ʻeku faʻeé,+ʻA ia naʻá ne akoʻi aú.
Te u ʻoatu kiate koe ha uaine kuo huʻi ʻaki ha sipaisi ke ke inu,Mo e huhuʻa foʻou ʻo e pomikānité.
3 Ko hono nima toʻohemá ʻe ʻi hoku lalo ʻulú,Pea ko hono nima toʻomataʻú ʻe ala mai ke fāʻofua ʻiate au.+
4 ʻOku ou ʻai kimoutolu ke mou fuakava, ʻe ngaahi ʻofefine ʻo Selusalema:
ʻOua ʻe feinga ke fafangu pe langaʻi ʻiate au ʻa e ʻofá kae ʻoua kuó u maʻu ha ongoʻi pehē.”+
5 “Ko hai eni ʻoku haʻu mei he toafá,ʻOkú ne falala atu ki hono ʻofaʻangá?”
“Naʻá ku fafangu koe ʻi he lalo ʻāpelé.
ʻA e feituʻu naʻe langā ai ʻa hoʻo faʻeé ʻiate koé.
ʻA e feituʻu naʻe langā ai ʻa ia naʻá ne fanauʻi koé.
6 ʻAi au ko ha sila ki ho lotó,Ko ha sila ki ho nimá,He ko e ʻofá ʻoku mālohi ʻo hangē ko e maté,+Pea ko e anga-līʻoa maʻataʻataá ʻoku taʻeʻunua ʻo hangē ko e Faʻitoká.*
Ko e ulo ʻa e ʻofá ko ha afi kakaha, ko e ulo meia Iā.*+
7 Heʻikai lava ke tāmateʻi ʻa e ʻofá ʻe he ngaahi vai ʻoku tafe mālohí,+Pea heʻikai lava ke tafiʻi atu ia ʻe he ngaahi vaitafé.+
Kapau ʻe foaki ʻe ha tangata ʻa e kotoa ʻo e koloa ʻo hono falé koeʻuhi ko e ʻofá,ʻE manukiʻi lahi ai ia.”
8 “ʻOku ʻi ai homau kiʻi tuofefine,+Pea ʻoku teʻeki ai ke tupu ʻa hono huhú.
Ko e hā te mau fai ki homau tuofefinéʻI he ʻaho ʻe fai mai ai ha lea mali kiate iá?”
9 “Kapau ko ha ʻā ia,Te mau langa ʻi hono fungá hano teuteu siliva,Ka ʻo kapau ko ha matapā ia,Te mau tuki tāpuni ia ʻaki ʻa e lauʻipapa sita.”
10 “Ko ha ʻā au,Pea ko hoku ongo huhú ʻoku hangē ha ongo tauá.
Ko ia ʻi heʻene vakaí kuó u hokoʻO hangē ko e tokotaha ʻokú ne maʻu ʻa e nongá.
11 Naʻe maʻu ʻe Solomone ha ngoue kālepi+ ʻi Pēali-hamoni.
Naʻá ne tuku ʻa e ngoue kālepí ki he kau tauhí.
Naʻe fiemaʻu ke ʻomi ʻe he tokotaha taki taha ha konga siliva ʻe taha afe ki hono fuá.
12 ʻOku ʻi ai ʻeku ngoue vaine pē ʻaʻaku ʻoku ou faʻiteliha ki ai.
Ko e ngaahi konga siliva ʻe taha afe* ʻoku ʻaʻau ia, ʻe Solomone,Pea ko e uangeau ki he faʻahinga ʻoku nau tokangaʻi ʻa hono fuá.”
13 “ʻA koe ʻokú ke nofo ʻi he ngaahi ngoué,+ʻOku fanongo ʻa e ngaahi kaungāmeʻá ki ho leʻó.
Tuku ke u fanongo ki ai.”+
14 “Fakatoʻotoʻo mai, ʻa hoku ʻofaʻanga,Pea ke ke veʻe-vave ʻo hangē ha kāseli+Pe ko ha kiʻi tia tangatáKi he ngaahi moʻunga ʻo e ʻuluʻakau namu-kakalá.”
Fakamatala ‘i Lalo
^ Ko e “Iā” ko ha faʻunga fakanounou ia ʻo e huafa Sihová.
^ Pe “ko Seolí,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
^ Fakafoʻilea, “Ko e taha afe.”
