‘Oku tui ‘a e kakai ‘e ni‘ihi . . .

ko ha faka‘auha fakamāmani lahi ‘e he ngaahi me‘atau niukilia pe faka‘auha fakae‘ātakai. Ko e hā ho‘o fakakaukaú?

Me‘a ‘oku lea‘aki ‘e he Tohi Tapú

Ko ‘Āmaketoné ko e feitu‘u fakaefakatātā ia ‘o e “tau ‘o e ‘aho lahi ‘o e ‘Otua Māfimafi-Aoniú,” ko ‘ene faitau ke to‘o ‘a e fulikivanú.​—Fakahā 16:14, 16.

Ko e hā te tau toe ako mei he Tohi Tapú?

• ‘Oku faitau ‘a e ‘Otuá ‘i he tau ‘o ‘Āmaketoné, ‘o ‘ikai ko hono faka‘auha ‘a e fo‘i māmaní, ka ke fakahaofi ia mei hono faka‘auha ‘e he fa‘ahinga ‘o e tangatá.​—Fakahā 11:18.

• Ko e tau ‘o ‘Āmaketoné te ne fakangata ‘a e ngaahi tau kotoa pē.​—Saame 46:8, 9. 

Ko e hā te ke lea‘akí?

• ‘Io

• ‘Ikai

• Mahalo pē

Me‘a ‘oku lea‘aki ‘e he Tohi Tapú

“Ko ha fu‘u kakai lahi” mei he ngaahi pule‘anga kotoa pē te nau hao atu mei he “fu‘u mamahi lahí,” ‘a ia ‘e faka‘osi‘aki ‘a e tau ‘o ‘Āmaketoné.​—Fakahā 7:9, 14.

Ko e hā te tau toe ako mei he Tohi Tapú?

• ‘Oku fiema‘u ‘e he ‘Otuá ‘a e tokolahi taha ‘e ala lavá ke nau hao ‘i ‘Āmaketone. Ko ‘ene faka‘auha pē ‘a e kau fulikivanú ko e ‘ikai ke toe felave ha meá.​—‘Isikeli 18:32.

• ‘Oku fakamatala‘i ‘e he Tohi Tapú ‘a e founga ke hao ai ‘i ‘Āmaketoné.​—Sēfanaia 2:3.