ʻIo, ko e nofo toko ua ʻi he poʻulí ʻo ʻikai ha ʻuhinga leleí ko e fakamoʻoni mālohi ia naʻá na fai ha fehokotaki fakasino taʻetaau. Ko ia ai, tuku kehe kapau ʻoku ʻi ai ha ngaahi ʻuhinga lelei, ʻoku totonu ke fokotuʻu ha kōmiti fakamaau.​—1 Kol. 6:18.

ʻOku fakakaukauʻi fakalelei ʻe he kulupu ʻo e kau mātuʻá ʻa e tuʻunga taki taha ke fakapapauʻi ai pe ʻoku fiemaʻu ha kōmiti fakamaau. Ko e fakatātaá: ʻOku faialea ʻa e ongo meʻá? Kuo akonakiʻi kinaua ʻe he kau mātuʻá ʻi he kuohilí fekauʻaki mo ʻena tōʻonga fakaekinauá? Ko e hā naʻá na nofo fakataha ai ʻi he poʻulí? Naʻá na palani ki muʻa ke fai ʻa e meʻa ko iá? Naʻe ʻi ai ha toe fili ke na fai, pe naʻe hoko ha meʻa naʻe ʻikai lava ke na mapuleʻi, hangē ko e hoko ha meʻa taʻeʻamanekina pe ko ha meʻa fakavavevave naʻe ʻikai ai ha toe fili ke na fai ka ko ʻena nofo fakataha pē ʻi he poʻulí? (Tml. 9:11) Naʻá na mohe ʻi fē? ʻOku kehekehe ʻa e tuʻunga taki taha, ko ia ʻe ʻi ai nai ha fakamatala kehe ʻe kaunga ki he fili ʻa e kau mātuʻá.

Hili ʻa e fakakaukau ʻa e kulupu ʻo e kau mātuʻá ki he fakamatalá kotoa, ʻe fakapapauʻi ai pe ʻoku totonu ke fokotuʻu ha kōmiti fakamaau.