‘Oku ako‘i kitautolu ‘e Sihova ki he founga ke fakahāhā ‘a e ngaahi ‘ulungaanga faka‘otuá fakafou ‘i he kau tangata mo e kau fefine ‘i he Tohi Tapú. Ko e toe founga ‘e taha ‘okú ne ako‘i ai kitautolú ‘oku fakafou ia ‘i he ngaahi me‘a kuó ne ngaohí. (Siope 12:7, 8) Ko e hā ‘a e me‘a ‘e lava ke tau ako fekau‘aki mo e loto-to‘á mei he laioné, hōsí, mongokūsí, hummingbird, mo e ‘elefānité?

SIO ‘I HE VITIŌ AKO ‘A E LOTO-TO‘Á MEI HE FAKATUPÚ, PEA TALI ‘A E NGAAHI FEHU‘I KO ENÍ:

• ‘Oku anga-fēfē hono fakahāhā ‘e he fanga laione fefiné ‘a e loto-to‘a ‘i hono malu‘i hono ‘uhikí?

• ‘Oku anga-fēfē hono ako‘i ‘a e fanga hōsí ke loto-to‘a ‘i he taú?

• Ko e hā ‘oku ‘ikai ke ilifia ai ‘a e mongokūsí ‘i he ngata huhu koná?

• ‘Oku anga-fēfē hono fakahāhā ‘e he fanga ki‘i hummingbird ‘a e loto-to‘á?

• ‘Oku anga-fēfē hono malu‘i loto-to‘a ‘e he ‘elefānité ‘a e fanga ‘elefānite kehe ‘i he tākangá?

• Ko e hā ‘oku ako‘i atu kiate koe ‘e he fanga manu ko ení fekau‘aki mo e loto-to‘á?