3:5-14

Na‘á ke fai ha ngaahi liliu ‘i ho anga‘itangatá ‘i he taimi na‘á ke ha‘u ai ki he mo‘oní? ‘Oku lava ke ke fakapapau‘i na‘e lelei‘ia ‘a Sihova ‘i ho‘o ngaahi feingá. (‘Isi. 33:11) Kae kehe, ‘oku fiema‘u ‘a e feinga hokohoko ke ta‘ofi ‘a e ngaahi tō‘onga ‘o e anga‘itangata motu‘á mei ha‘ane toe hā mai pea hanganaki fakahāhā ‘a e anga‘itangata fo‘oú. Tali ‘a e ngaahi fehu‘í pea sio ki he ngaahi tafa‘aki ‘oku lava ke ke fakalelei‘í:

• ‘Oku ou tukuloto‘i ha ‘ita ki ha tokotaha kuó ne faihala mai kiate au?

• ‘Oku ou fakahāhā ‘a e fa‘a kātakí, na‘a mo e ‘i he taimi ‘oku ou fakavavevave ai pe hela‘iá?

• Kapau ‘oku ou ma‘u ha fakakaukau ta‘etaau, ‘oku ou fakavave ke ta‘ofi ia?

• ‘Oku ou fehi‘a ki ha kakai ‘o ha fa‘ahinga matakali pe feitu‘u?

• Kuó u lea ta‘e‘ofa ki muí ni mai ki ha tokotaha pe ta‘emapule‘i ‘i he taimi ‘oku ou ‘ita tōlili aí?