KOLOA MEI HE FOLOFOLA ‘A E ‘OTUÁ | LUKE 12-13
“‘Oku Mou Mahu‘inga Ange Kimoutolu ‘i ha Fanga Misi Tokolahi”
Ko e hā ‘a e puipuitu‘a ‘o e lea ‘a Sīsū ‘i he Luke 12:6, 7? ‘I he veesi 4, ‘oku tau lau ai na‘e tala ange ‘e Sīsū ki he‘ene kau muimuí ke ‘oua te nau manavahē ki he fa‘ahinga ‘oku nau fakafepaki‘i kinautolú pe fa‘ahinga ‘e a‘u ‘o nau tāmate‘i kinautolú. Na‘e teu‘i ‘e Sīsū ‘ene kau ākongá ki he fakafepaki te nau fehangahangai mo ia ‘amui ange. Na‘á ne fakapapau kiate kinautolu ‘oku fakamahu‘inga‘i ‘e Sihova ‘a ‘Ene sevāniti taki taha pea he‘ikai te Ne faka‘atā ke hoko ha maumau tu‘uloa kiate kinautolu.
‘E lava fēfē ke tau fa‘ifa‘itaki ki he tokanga ‘a Sihova ki he fa‘ahinga ‘oku fakatanga‘í?
Te tau ma‘u mei fē ‘a e fakamatala fakamuimui taha ki he Kau Fakamo‘oni ‘a Sihova ‘oku tuku pilīsone ko ‘enau tuí?
Ko e fanga tokoua mo e fanga tuofāfine ‘e toko fiha ‘oku tuku pilīsoné?
