Talanoa Fakatohitapu mahuʻinga:

• ʻAi. 6:​1-8—ʻI he kamatá ʻoku moʻutāfuʻua ʻa e palōfita ko ʻAiseá ʻi ha vīsone ʻokú ne fakamamafaʻi ʻa e māʻoniʻoni ʻo Sihová, ka ʻoku toki fakamanatu ange ʻe ha selāfimi naʻa mo e faʻahinga angahalaʻia ʻo e tangatá ʻe lava ke nau hoko ʻo maʻa ʻi he vakai ʻa e ʻOtuá

• Loma 6:​12-23; 12:​1, 2—ʻOku fakamatalaʻi ʻe he ʻapositolo ko Paulá ʻa e founga ʻe lava ke tau faitau ai mo ʻetau ngaahi hehema angahalaʻiá pea tuli ki he “māʻoniʻoni”

Talanoa Fakatohitapu mahuʻinga:

• Teu. 8:​12-18—ʻOku fakamanatu ʻe he palōfita ko Mōsesé ki he kakaí ko e ngaahi meʻa lelei kotoa pē ʻoku nau maʻú ʻoku nau maʻu ia koeʻuhí ko e nima-homo ʻa Sihova ʻo ngāueʻaki hono mālohí ke tāpuakiʻi kinautolú

• 1 Tuʻi 19:​9-14—ʻOku ngāueʻaki ʻe Sihova ha ngaahi fakahāhā fakaofo ʻo hono mālohí ke fakalototoʻaʻi ʻaki ʻene palōfita loto-mafasia ko ʻIlaisiaá

Talanoa Fakatohitapu mahuʻinga:

• Teu. 24:​16-22—Hangē ko ia naʻe fakahaaʻi ʻi he Lao ʻa Mōsesé, ko e fakamaau totonu ʻa Sihová ʻoku fehoanakimālie haohaoa mo ʻene mēsí mo e ʻofá

• 2 Kal. 19:​4-7—ʻOku fakamanatu ʻe Tuʻi Sihosafate ki he kau fakamaau ʻokú ne fakanofó ʻoku nau fakafofongaʻi ʻa e fakamaau totonu ʻa Sihová, kae ʻikai ko e tangatá

Talanoa Fakatohitapu mahuʻinga:

• 1 Tuʻi 4:​29-34—ʻOku tāpuakiʻi ʻe Sihova ʻa Tuʻi Solomone ʻaki ʻa e poto ʻoku lahi ange ʻi he poto naʻe maʻu ʻe he kau tangata ʻi hono taimí

• Luke 11:31; Sione 7:​14-18—ʻOku lahi mamaʻo ange ʻa e poto ʻo Sīsuú ʻia Solomone; neongo ia, ʻoku anga-fakatōkilalo ʻa Sīsū ʻo ne fakahaaʻi ko e Matavai ʻo hono potó ko Sihova

Talanoa Fakatohitapu mahuʻinga:

• Māt. 10:​29-31—ʻOku ngāueʻaki ʻe Sīsū ʻa e misí ke fakatātaaʻiʻaki ʻa e lahi ʻo e ʻofa mo hono fakamahuʻingaʻi ʻe Sihova ʻene sevāniti fakaetangata taki taha

• Mk. 1:​9-11—ʻOku lea ʻa Sihova ki hono ʻAló mei hēvani, ʻo ne fakahaaʻi fakahāhā kiate ia ʻa e meʻa ʻoku fiemaʻu ʻe he kiʻi tama kotoa pē mei ha mātuʻa—ko e fakaongoongoleleí, ʻofá mo e hōifuá

Talanoa Fakatohitapu mahuʻinga:

• Teu. 30:​11-14—Ko e Lao naʻe fakafou mai ʻi he palōfita ko Mōsesé ʻoku ʻikai ke fuʻu faingataʻa ki he kau ʻIsilelí ke nau talangofua ki ai

• Māt. 11:​28-30—Ko Sīsū, ʻa ia ʻokú ne tapua haohaoa mai ʻene Tamaí, ʻokú ne fakapapauʻi ki hono kau muimuí ko iá ko ha ʻEiki fakaivifoʻou

Talanoa Fakatohitapu mahuʻinga:

• Saame 104:​1, 2, 10-20, 33, 34—ʻOku maʻu ʻe he tokotaha-tohi-sāmé ha ʻuhinga feʻunga ʻi he fakatupú ke ne hiva fakahīkihiki ai kia Sihova

• Saame 148:​1-14—ʻOku fakahīkihikiʻi ʻe he ngaahi meʻa fakatupú mo e kau ʻāngeló kotoa ʻa Sihova, pea ʻoku totonu foki ke tau fai pehē

Talanoa Fakatohitapu mahuʻinga:

• 2 Tuʻi 5:​20-27—Ko Kēhesi ʻokú ne feinga ke fufū ʻene faiangahalá, ka ʻoku ʻai ʻe Sihova ʻene palōfita ko ʻIlaisá ke ne ʻiloʻi ʻa e moʻoní

• Ngā. 5:​1-11—Ko ʻAnanaia mo Sāfaila ʻoku fakaeʻa kinaua pea tauteaʻi koeʻuhí ko ʻena loi ki he laumālie māʻoniʻoní