Ko e Hā ‘Oku Ako‘i Mo‘oni ‘e he Tohi Tapú?
Ko e me‘angāue fakaeako Tohi Tapu ko ení ‘oku fa‘u ia ke tokoni‘i koe ke ako ‘a e me‘a ‘oku lea‘aki ‘e he Tohi Tapú fekau‘aki mo e ngaahi kaveinga kehekehe, kau ai ‘a e ‘uhinga ‘oku tau faingata‘a‘ia aí, me‘a ‘oku hoko ‘i he maté, founga ke ma‘u ai ha fāmili fiefiá, mo e hā fua.
Ko e Me‘a Eni Na‘e Fakataumu‘a ki Ai ‘a e ‘Otuá?
Te ke fifili nai ki he ‘uhinga ‘oku lahi fau ai ‘a e ngaahi palopalema he ‘aho ní. Na‘á ke ‘ilo ‘oku pehē ‘e he Tohi Tapú ‘oku teu ke hoko ‘a e liliu mo‘oni pea ‘e lava ke ke ma‘u ‘aonga mei ai?
VAHE 1
Ko e Hā ‘a e Mo‘oni Fekau‘aki mo e ‘Otuá?
‘Okú ke pehē ‘oku tokanga fakafo‘ituitui mai ‘a e ‘Otuá fekau‘aki mo koe? Ako ki hono ‘ulungāngá mo e founga ke ke ‘unu‘unu ofi ai kiate iá.
VAHE 2
Ko e Tohi Tapú—Ko ha Tohi mei he ‘Otuá
‘E lava fēfē ke tokoni‘i koe ‘e he Tohi Tapú ke ke fekuki mo e ngaahi palopalema fakafo‘ituituí? Ko e hā ‘oku lava ai ke ke falala ki he kikite ‘i aí?
VAHE 3
Ko e Hā ‘a e Taumu‘a ‘a e ‘Otuá ki he Māmaní?
‘E faifai ange ‘o fakahoko ‘a e taumu‘a ‘a e ‘Otuá ki ha māmani palataisí? Kapau ko ia, ‘afē?
VAHE 4
Ko Hai ‘a Sīsū Kalaisi?
Ako ki he ‘uhinga ko Sīsū ai ‘a e Mīsaia na‘e tala‘ofá, ko ‘ene ha‘ú mei fē, mo e ‘uhinga ko e ‘Alo tofu-pē-taha-ne-fakatupu ia ‘o Sihová.
VAHE 5
Ko e Huhu‘í—Me‘a‘ofa Lahi Taha ‘a e ‘Otuá
Ko e hā ‘a e huhu‘i? ‘E lava fēfē ke ke ma‘u ‘aonga mei ai?
VAHE 6
‘Oku ‘i Fē ‘a e Kau Maté?
Ako fekau‘aki mo e lau ‘a e Tohi Tapú ki he feitu‘u ‘oku ‘i ai ‘a e kau maté mo e ‘uhinga ‘oku mate ai ‘a e tangatá.
VAHE 7
Ko e ‘Amanaki Mo‘oni ki he Fa‘ahinga ‘Okú Ke ‘Ofa Ai Kuo Nau Maté
Kuo mole meiate koe ha taha ‘ofeina ‘i he maté? ‘E malava ke ke toe sio kia kinautolu? Ako fekau‘aki mo e me‘a ‘oku ako‘i ‘e he Tohi Tapú fekau‘aki mo e toetu‘ú.
VAHE 8
Ko e Hā ‘a e Pule‘anga ‘o e ‘Otuá?
‘Oku ‘ilo‘i ‘e he kakai tokolahi ‘a e Lotu ‘a e ‘Eikí. Ko e hā e ‘uhinga ‘o e kupu‘i lea: “Tuku ke hoko mai ho Pule‘angá”?
VAHE 9
‘Oku Tau Mo‘ui ‘i he “Kuonga Fakamui”?
Fakakaukau ki he anga hono fakamo‘oni‘i ‘e he ngaahi tō‘onga mo e fakakaukau takatakai ‘ia kitautolú ‘oku tau mo‘ui he taimí ni ‘i he “kuonga fakamui” na‘e tomu‘a tala ‘e he Tohi Tapú.
VAHE 10
Ngaahi Me‘amo‘ui Laumālié—Anga ‘o ‘Enau Uesia Kitautolú
‘Oku lave ‘a e Tohi Tapú ki he kau ‘āngelo mo e kau tēmeniō. ‘E lava ke mo‘oni ‘a e ngaahi me‘amo‘ui laumālie ko ení? ‘E lava ke nau uesia ho‘o mo‘uí?
VAHE 11
Ko e Hā ‘Oku Faka‘atā Ai ‘e he ‘Otuá ‘a e Faingata‘á?
‘Oku fakakaukau ‘a e tokolahi ko e ‘Otuá ke tukuaki‘i ki he kotoa ‘o e ngaahi faingata‘a ‘i he māmaní. Ko e hā ho‘o fakakaukaú? Ako fekau‘aki mo e me‘a ‘oku lea‘aki ‘e he ‘Otuá fekau‘aki mo e ‘uhinga ‘etau faingata‘a‘iá.
VAHE 12
Mo‘ui ‘i ha Founga ‘Oku Fakahōifua‘i Ai ‘a e ‘Otuá
‘Oku malava ke mo‘ui ‘i ha mo‘ui ‘oku fakahōifua kia Sihova. Ko hono mo‘oní, ‘e lava ke ke hoko ko hono kaume‘a.
VAHE 13
Ko ha Vakai Faka‘otua ki he Mo‘uí
‘Oku anga-fēfē vakai ‘a e ‘Otuá ki he fakatōtamá, huhu totó mo e mo‘ui ‘a ha monumanu?
VAHE 14
Founga ke ‘Ai Ai ke Fiefia ‘a Ho‘o Mo‘ui Fakafāmilí
Ko e ‘ofa ‘a Sīsuú ko ha fa‘ifa‘itaki‘anga ia ke fa‘ifa‘itaki ki ai ‘a e ngaahi husepānití, uaifí, mātu‘á mo e fānaú. Ko e hā ‘oku tau ako meiate iá?
VAHE 15
Lotu ‘a Ia ‘Oku Hōifua ki Ai ‘a e ‘Otuá
Fakakaukau ki he tafa‘aki ‘e ono ‘okú ne faka‘ilonga‘i ‘a e fa‘ahinga ‘oku nau tō‘onga‘aki ‘a e lotu mo‘oní.
VAHE 16
Ke Ke Tu‘u Ma‘á e Lotu Mo‘oní
Ko e hā ‘a e ngaahi pole te ke fehangahangai nai mo ia ‘i hono vahevahe atu ho‘o tuí ki he ni‘ihi kehé? ‘E lava fēfē ke ke fai pehē ‘o ‘ikai faka‘ita‘i kinautolu?
VAHE 17
‘Unu‘unu Ofi ki he ‘Otuá ‘i he Lotu
‘Oku fanongo mai ‘a e ‘Otuá ki ho‘o lotú? Ke tali ‘a e fehu‘i ko iá, ‘oku fiema‘u ke ke mahino‘i ‘a e me‘a ‘oku ako‘i mai ‘e he Tohi Tapú fekau‘aki mo e lotú.
VAHE 18
Papitaisó mo Ho Vaha‘angatae mo e ‘Otuá
Ko e hā ‘a e ngaahi sitepu ‘oku fiema‘u ke tatau ai ki he papitaiso faka-Kalisitiané? Ako ki he me‘a ‘okú ne faka‘ilonga‘i mo e founga ‘oku totonu ke fakahoko aí.
VAHE 19
Nofo Ma‘u ‘i he ‘Ofa ‘a e ‘Otuá
‘E lava fēfē ke tau fakahāhā ‘a e ‘ofa mo e hounga‘ia ki he me‘a kotoa kuo fai ‘e he ‘Otuá?
‘APENITIKI
Ko e Huafa Faka‘otuá—Ko Hono Ngāue‘akí mo Hono ‘Uhingá
Kuo to‘o ‘a e huafa fakafo‘ituitui ‘o e ‘Otuá mei he ngaahi liliu Tohi Tapu lahi. Ko e hā hono ‘uhingá? ‘Oku mahu‘inga hono ngāue‘aki ‘a e huafa ‘o e ‘Otuá?
‘APENITIKI
Founga Hono Tomu‘a Tala ‘e he Kikite ‘a Tanielá ‘a e A‘u Mai ‘a e Mīsaiá
Laka hake ‘i he ta‘u ‘e 500 ki mu‘a, na‘e fakae‘a ‘e he ‘Otuá ‘a e taimi tofu pē ‘e a‘u mai ai ‘a e Mīsaiá. Ako fekau‘aki mo e kikite fakaue‘iloto ko ení!
‘APENITIKI
Sīsū Kalaisi—Ko e Mīsaia Na‘e Tala‘ofa Maí
Na‘e fakahoko kotoa ‘e Sīsū ‘a e ngaahi kikite fekau‘aki mo e Mīsaiá. Fakapapau‘i ‘i ho‘o Tohi Tapú ko e ngaahi kikite ko ení na‘e fakahoko ia ‘i he tu‘unga fakaikiiki kotoa pē.
‘APENITIKI
Ko e Mo‘oni Fekau‘aki mo e Tamaí, ko e ‘Aló mo e Laumālie Mā‘oni‘oní
‘Oku tui ‘a e kakai tokolahi ‘oku ako‘i ‘a e tokāteline Tolu-Taha‘i-‘Otuá ‘i he Tohi Tapú. ‘Oku mo‘oni ia?
‘APENITIKI
‘Uhinga ‘Oku ‘Ikai Ngāue‘aki Ai ‘e he Kau Kalisitiane Mo‘oní ‘a e Kolosí ‘i he Lotú
Na‘e pekia mo‘oni ‘a Sīsū ‘i ha kolosi? Lau ‘a e talí mei he Tohi Tapú tonu.
‘APENITIKI
Ko e Kai Efiafi ‘a e ‘Eikí—Ko ha Kātoanga ‘Oku Fakalāngilangi‘i Ai ‘a e ‘Otuá
‘Oku fekau‘i ‘a e kau Kalisitiané ke kātoanga‘i ‘a e Fakamanatu ‘o e pekia ‘a Kalaisí, ‘oku toe ui ko e Kai Efiafi ‘a e ‘Eikí. Ko fē taimi mo e founga ‘oku totonu ke kātoanga‘i aí?
‘APENITIKI
‘Oku Ma‘u ‘e he Fa‘ahinga ‘o e Tangatá ha Laumālie Ta‘efa‘amate?
‘Oku fakakaukau ‘a e tokolahi ‘i he maté ‘oku mavahe ‘a e konga ta‘ehāmai ‘o ha tangata mei he sinó ‘o mo‘ui hokohoko atu. Ko e hā ‘oku tala mai ‘e he Folofola ‘a e ‘Otuá?
‘APENITIKI
Ko e Hā ‘a Seoli mo Hētesi?
‘Oku ngāue‘aki ‘e he ngaahi liliu Tohi Tapu ‘e ni‘ihi ‘a e fo‘i lea “fa‘itoka” pe “heli” ki he Seolí mo e Hētesí. ‘Oku ‘uhinga mo‘oni ‘a e ongo fo‘i lea ko ení ki he hā?
‘APENITIKI
‘Aho Fakamāú—Ko e Hā Ia?
Ako ki he ‘uhinga ‘e hoko ai ‘a e ‘Aho Fakamāú ko ha tāpuaki ki he fa‘ahinga faitōnunga kotoa ‘o e tangatá.
‘APENITIKI
1914—Ko ha Ta‘u Mahu‘inga ‘i he Kikite ‘a e Tohi Tapú
Ko e hā ‘a e fakamo‘oni Fakatohitapu ko e 1914 ko ha ta‘u mahu‘inga?
‘APENITIKI
Ko Hai ‘a Maikeli ko e ‘Āngelo-Pulé?
‘Oku tala mai ‘e he Tohi Tapú ‘a e faka‘ilonga ‘o e ‘āngelo mālohi ko ení. Ako fekau‘aki mo ia mo e me‘a ‘okú ne fai he taimi ní.
‘APENITIKI
Ko Hono ‘Ilo‘i ‘o “Babilone koe Lahi”
Ko e tohi Tohi Tapu ‘a Fakahaá ‘oku lave ai ki ha fefine ko “Babilone koe Lahi.” Ko ha fefine mo‘oni ia? Ko e hā ‘a e lau ‘a e Tohi Tapú fekau‘aki mo iá?
‘APENITIKI
Na‘e ‘Alo‘i ‘a Sīsū ‘i Tīsema?
Fakakaukau ki he tu‘unga ‘o e ‘eá ‘i he taimi ‘o e ta‘u na‘e ‘alo‘i ai ‘a Sīsuú. Ko e hā ‘oku tala mai ai kia kitautolu?
‘APENITIKI
‘Oku Totonu Ke Tau Kātoanga‘i ‘a e Ngaahi ‘Aho Mālōloó?
Ko e hā ‘a e tupu‘anga ‘o e ngaahi ‘aho mālōlō lahi ‘oku manakoa ‘i he feitu‘u ‘okú ke nofo aí? Te ke ‘ohovale nai ‘i he ngaahi talí.
