Ko e kau fakafepaki kia Sīsuú naʻa nau tukuakiʻi ʻokú ne ʻai ia ke ne tatau mo e ʻOtuá. (Sione 5:18; 10:30-33) Kae kehe, naʻe ʻikai ʻaupito ke taukaveʻi ʻe Sīsū ʻokú ne ʻi he tuʻunga tatau mo e ʻOtua Māfimafi-Aoniú. Naʻá ne pehē: “ʻOku lahi ʻa e Tamaí ʻiate au.”—Sione 14:28.

 Ko e muʻaki kau muimui ʻo Sīsuú naʻe ʻikai te nau vakai kiate ia ʻokú ne tatau mo e ʻOtua Māfimafi-Aoniú. Ko e fakatātaá, ko e ʻapositolo ko Paulá naʻá ne tohi ʻo pehē ʻi he hili ʻa e toetuʻu ʻa Sīsuú, ko e ʻOtuá naʻá ne ‘hakeakiʻi ia [Sīsū] ki ha tuʻunga māʻolunga.’ ʻOku hā mahino, naʻe ʻikai ke tui ʻa Paula ko Sīsū ʻa e ʻOtua Māfimafi-Aoniú. He kapau ko ia, naʻe mei lava fēfē ke hakeakiʻi ʻe he ʻOtuá ʻa Sīsū ki ha tuʻunga māʻolunga?—Filipai 2:9.