Bakeresete ba “fetogile selo sa go bogelwa ke lefatshe.” (1Bak 4:9) Ka jalo, ga re a tshwanela go gakgamala fa batho mo tshimong ba re lebile ka difensetere kgotsa ba re reeditse mme re sa ba bone. Matlo a batho ba bangwe a na le dikhamera le dimaekerofouno tse di dirang gore ba kgone go re bona, go re reetsa le go re rekota. Go na le dintlha dingwe tse di ka re thusang fa re eme fa kgorong ya mong wa ntlo.—2Bak 6:3.

• Bontsha gore o tlotla mong wa ntlo ka go se okomele mo ntlong. O se ka ja, wa nwa, wa founa kgotsa wa romela molaetsa ka founo fa o ntse o eme fa kgorong ya mong wa ntlo

• Fa o eme mo kgorong ya ntlo ya motho, o se ka wa bua dilo tse o sa batleng gore mong wa ntlo a di utlwe. Baboledi bangwe ba ka rata go didimala gore ba kgone go akanya ka se ba tlileng go se bolelela mong wa ntlo