Jehofa o dirile gore lenyalo e nne thulaganyo e e nnelang ruri magareng ga monna le mosadi. (Ge 2:22-24) Banyalani ba ka tlhalana fela fa yo mongwe a dirile boaka. (Mal 2:16; Mat 19:9) E re ka Jehofa a batla gore banyalani ba itumele, o neile Bakeresete melaometheo e e ka ba thusang go batla molekane yo o siameng wa lenyalo le gore ba nne ba itumetse mo lenyalong.—Mor 5:4-6.

LEBA BIDIO YA LORATO LWA MMATOTA KE ENG?, O BO O ARABA DIPOTSO TSE DI LATELANG:

• Ke eng fa kgakololo e batsadi ba ga Kele ba ileng ba mo naya yone e bontsha lorato e bile e le botlhale?

• Ke eng fa go se botlhale go akanya gore o ka kgona go fetola motho yo o ratanang le ene?

• Boora Bogosi ba ile ba naya Kele kgakololo efe?

• Ke eng fa Kgang le Magadi ba ile ba lebana le mathata mo lenyalong la bone?

• Jona le Kele ba ne ba na le mekgele efe ya go direla Jehofa?

• Pele o dira maikano a lenyalo le motho yo mongwe, goreng o tshwanetse go itse “motho wa sephiri wa pelo”? (1Pe 3:4)

• Lorato lwa mmatota ke eng? (1Bak 13:4-8)