Makakatulong ba ang Bibliya Para Maging Maligaya ang Aking Pamilya?

I-PLAY

Ang sagot ng Bibliya

Oo. Narito ang ilang matalinong payo mula sa Bibliya na nakatulong sa milyun-milyong babae at lalaki para maging maligaya ang pamilya nila.

Gawing legal ang inyong pag-aasawa. Ang pagpapakasal at pangakong magsasama kayo habambuhay ang pundasyon ng maligayang pamilya.—Mateo 19:4-6.
Magpakita ng pag-ibig at paggalang. Kasali rito ang pakikitungo sa iyong asawa sa paraan na gusto mong pakitunguhan ka.—Mateo 7:12; Efeso 5:25, 33.
Iwasang magsalita nang nakasasakit. Magsalita nang may kabaitan kahit nasasaktan ka sa sinasabi o ginagawa ng asawa mo. (Efeso 4:31, 32) Ganito ang sabi ng Bibliya sa Kawikaan 15:1: “Ang sagot, kapag mahinahon, ay pumapawi ng pagngangalit, ngunit ang salitang nakasasakit ay pumupukaw ng galit.”
Maging tapat sa isa’t isa. Huwag magkaroon ng romantiko o seksuwal na kaugnayan sa hindi mo asawa. (Mateo 5:28) Ang sabi ng Bibliya: “Maging marangal nawa ang pag-aasawa sa gitna ng lahat, at maging walang dungis ang higaang pangmag-asawa.”—Hebreo 13:4.
Sanayin sa maibiging paraan ang inyong mga anak. Huwag maging kunsintidor pero huwag ding maging mabagsik.—Kawikaan 29:15; Colosas 3:21.

Kaugnay na mga Paksa

Ang Bibliya Sagot sa mga Tanong sa Bibliya

Magugustuhan Mo Rin

PUWEDENG MAGING MASAYA ANG IYONG PAMILYA

Umasa sa Diyos Para sa Masayang Pag-aasawa

May dalawang tanong na tutulong sa inyong mag-asawa na maging masaya.

SAGOT SA MGA TANONG SA BIBLIYA

Ano ang Sinasabi ng Bibliya Tungkol sa Pag-aasawa?

Makakatulong sa mga mag-asawa ang mga prinsipyo sa Bibliya para maiwasan o maharap ang mga problema.

PAG-AASAWA AT PAMILYA

Para Maging Masaya ang Mag-asawa: Magpakita ng Pagmamahal

Baka dahil sa trabaho, stress, at araw-araw na problema sa buhay, hindi na maipakita ng mag-asawa na mahal nila ang isa’t isa. Ano ang puwede nilang gawin?