Job 28:1-28
28 “May minahan ng pilakAt ng ginto na dinadalisay;+
2 Ang bakal ay kinukuha sa lupa,At ang tanso ay kinukuha* mula sa mga bato.+
3 Dinaraig* ng tao ang dilim;Pinupuntahan niya maging ang pinakamadilim na lugarPara maghanap ng mina.*
4 Humuhukay siya ng madadaanan, malayo sa tinitirhan ng tao,Sa mga lugar na nalimutan na, malayo sa nilalakaran ng tao;May mga bumababa gamit ang lubid at nagtatrabaho nang nakabitin.
5 Sa ibabaw ng lupa tumutubo ang pinagmumulan ng pagkain;Pero ang ilalim ay wasak, na para bang dinaanan ng apoy.*
6 Sa mga bato ay may safiro,At sa alabok ay may ginto.
7 Hindi alam ng mga ibong maninila ang daang papunta rito;Hindi pa ito nakikita ng mata ng itim na lawin.
8 Hindi pa ito nalalakaran ng mababangis na hayop;Hindi pa ito napupuntahan ng malakas na leon.
9 Dinudurog ng tao ang matigas na bato;*Pinababagsak niya ang mga bundok mula sa pundasyon nito.
10 Gumagawa siya ng lagusan ng tubig+ sa bato;Walang mahalagang bagay na nakakalampas sa mata niya.
11 Hinaharangan niya ang mga pinagmumulan ng ilogAt dinadala sa liwanag ang nakatagong mga bagay.
12 Pero ang karunungan—saan ito makikita,+At nasaan ang pinagmumulan ng unawa?+
13 Hindi nakikita ng tao ang halaga nito,+At hindi ito makikita saanman sa mundo.*
14 Sinasabi ng malalim na katubigan, ‘Wala iyon sa akin!’
At sinasabi ng dagat, ‘Wala iyon sa akin!’+
15 Hindi ito mabibili ng purong ginto,At hindi rin ito matutumbasan ng pilak.+
16 Hindi ito mabibili ng ginto ng Opir+O ng mamahaling onix at safiro.
17 Hindi maikukumpara dito ang ginto at salamin,At hindi ito kayang palitan ng lalagyang yari sa purong* ginto.+
18 Wala sa kalingkingan nito ang korales at kristal,+Dahil ang isang supot ng karunungan ay nakahihigit sa isang supot ng perlas.
19 Hindi ito matatapatan ng topacio+ ng Cus;Hindi ito mabibili kahit ng purong ginto.
20 Pero saan ba nanggagaling ang karunungan,At nasaan ang pinagmumulan ng unawa?+
21 Itinago ito sa paningin ng lahat ng may buhay+At sa mga ibon sa langit.
22 Sinasabi ng pagkapuksa at kamatayan,‘Bali-balita lang tungkol doon ang narinig namin.’
23 Alam ng Diyos kung paano ito hanapin;Siya lang ang nakaaalam kung nasaan ito,+
24 Dahil tumitingin siya hanggang sa pinakadulo ng lupa,At nakikita niya ang lahat ng nasa ilalim ng langit.+
25 Nang bigyan niya ng lakas* ang hangin+At timbangin ang lahat ng tubig,+
26 Nang magtakda siya ng tuntunin para sa ulan+At ng dadaanan ng ulap na may dalang bagyo at kulog,+
27 Nakita niya ang karunungan at ipinaliwanag ito;Siya ang nagpasimula ng karunungan, at sinubok niya ito.
28 At sinabi niya sa tao:
‘Tingnan mo! Ang pagkatakot kay Jehova—iyan ang karunungan,+At ang paglayo sa kasamaan—iyan ang unawa.’”+
Talababa
^ O “tinutunaw.” Lit., “ibinubuhos.”
^ O “Pinagliliwanag.”
^ Lit., “bato.”
^ Malamang na tumutukoy sa nangyayari kapag nagmimina.
^ O “ang batong pingkian.”
^ Lit., “sa lupain ng mga buháy.”
^ O “dinalisay na.”
^ Lit., “bigat.”