NOONG 1964, inatasan ako bilang special pioneer sa Manokwari, West Papua. Isang maliit na kongregasyon doon ang matinding sinasalansang ng klero. Pagkarating ko, isang ministrong Protestante ang agad na sumugod sa bahay ko.

“Sisirain ko ang bahay na ’to at palalayasin ko sa Manokwari ang mga Saksi ni Jehova,” ang bulyaw niya.

Dahil dati akong pulis, hindi ako natakot sa kaniya. Kalmado akong sumagot at di-nagtagal, mahinahon siyang umalis.—1 Ped. 3:15.

Walo lang ang mamamahayag noon sa Manokwari. Ngayon, makalipas ang mga 50 taon, may pitong kongregasyon na roon. Noong 2014, mahigit 1,200 ang dumalo sa kombensiyon. Masayang-masaya ako kapag nakikita ko ang mga ginawa ni Jehova sa rehiyong ito.