DISYEMBRE 6, 2023 | UPDATED: MARSO 7, 2025
RUSSIA

UPDATE—NAKULONG ANG KAPATID | “Tapat Anumang Pagsubok ang Dumating”

I-PLAY

Noong Marso 6, 2025, sinentensiyahan ng Kaltanskiy District Court of the Kemerovo Region si Brother Aleksandr Tsikunov na mabilanggo nang anim na taon. Agad siyang ibinilanggo pagkagaling sa korte.

Profile

Aleksandr Tsikunov

Ipinanganak: 1967 (Kaltan)

Maikling Impormasyon: Nagtrabaho bilang civil engineer

Napangasawa si Yelena noong 1989

Dati siyang ateista. Nalaman niya ang tungkol sa Bibliya mula sa katrabaho niya na isang Saksi ni Jehova. Binasa ni Aleksandr ang buong Bibliya sa loob ng anim na buwan bago siya nagpa-Bible study. Nabautismuhan siya noong 1997. Ibinahagi niya ang katotohanan sa nanay, ate, at asawa niya, na naging mga Saksi ni Jehova.

Personal na mga Komento

Anong ulat sa Bibliya ang nakatulong sa iyo sa mahirap na panahong ito?

Talagang napatibay ako ng halimbawa ni propeta Daniel. Sinasabi sa Daniel 6:4, 5: “Nang panahong iyon, ang matataas na opisyal at mga satrapa ay naghahanap ng maiaakusa kay Daniel may kaugnayan sa pangangasiwa niya sa kaharian, pero wala silang makitang anumang masama sa kaniya, dahil tapat siya, hindi pabaya, at hindi tiwali. Sinabi nila: ‘Wala tayong maiaakusa sa Daniel na ito, maliban na lang kung may kaugnayan ito sa kautusan ng kaniyang Diyos.’” Wala silang makitang dahilan para akusahan si Daniel, kaya gumawa sila ng batas na susubok sa kaniyang katapatan at pagsamba sa Diyos. Minanmanan nila siya at hinintay na mahulog sa bitag nila. Pero gaya ng nakaugalian niyang gawin, patuloy niyang sinamba si Jehova. Isa lang si Daniel sa maraming lingkod ng Diyos na nanatiling tapat anumang pagsubok ang dumating. Ito ang nakatulong sa akin na laging gawin ang buo kong makakaya sa pagsamba kay Jehova.

Laking pasasalamat natin sa maraming tapat na lingkod ni Jehova. Ipinapaalala nila na walang sinumang nagtitiwala sa kaniya at sa kaniyang Anak, si Jesu-Kristo, ang mabibigo.—Roma 10:11.

Time Line

Abril 27, 2021

Sinampahan ng kasong kriminal
Mayo 2, 2021

Hinalughog ang bahay. Idinitine at ikinulong bago pa man litisin
Mayo 4, 2021

Pinalaya mula sa pagkakakulong at inilagay sa house arrest
Hunyo 24, 2021

Pinalaya mula sa house arrest at hindi pinayagang umalis ng kanilang lugar
Hulyo 25, 2023

Nagsimula ang paglilitis

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE