SETYEMBRE 4, 2023
BALITA SA BUONG DAIGDIG

Pinatibay ang Pananampalataya sa Halip na Matakot

I-PLAY

Malapit nang ilabas ng Gagarinskiy District Court of Sevastopol, Crimea, ang hatol nito sa kaso nina Brother Viktor Kudinov at Sergey Zhigalov. Wala pang hinihiling ang prosecutor na parusa para sa kanila.

Profile

Viktor Kudinov

Ipinanganak: 1969 (Budapest, Hungary)

Maikling Impormasyon: Isang bus driver

Napangasawa si Svetlana noong 1991. Mayroon silang isang anak na babae at lalaki

Nag-aral ng Bibliya kasama ni Svetlana nang makita niya ang magandang epekto nito sa pamilya nila. Nabautismuhan si Svetlana noong 2005 at si Viktor naman noong 2010

Personal na mga Komento

Paano ka napatibay ng mga karanasan ng iba?

Iniisip ko ang tungkol sa mga brother natin, gaya ni Viktor Stashevskiy. Nakakulong siya at mahirap ang kalagayan niya. Pero ilang beses siyang sumulat sa akin, kaya kitang-kita ko na hindi siya nakapokus sa sarili niya. Damang-dama sa mga sulat niya na may interes siya at malasakit sa iba at nananatili siyang masaya. Naging magandang halimbawa sa akin si Viktor at ang napakaraming iba pang kapatid. Bukod sa pag-uusig, marami rin silang inaalala araw-araw gaya ng pagkakasakit, trabaho, at pangangalaga sa pamilya nila. Matatakasan sana nila ang mga problema dahil sa pag-uusig kung hihinto na lang sila sa paglilingkod. Pero pinili nilang manatiling tapat kay Jehova at sa mga kapatid. Kapag nakikita ko ang lahat ng tinitiis nila, alam kong makakapagtiis din ako.

Sergey Zhigalov

Ipinanganak: 1971 (Snezhnoye, Ukraine)

Maikling Impormasyon: Nagtrabaho bilang isang tubero

Nakipag-aral ng Bibliya sa mga Saksi ni Jehova noong 1994. Humanga sa karunungang nasa Bibliya at sa mga hula nito na eksaktong natupad. Nabautismuhan noong 1996

Napangasawa si Olga noong 2007

Personal na mga Komento

Ano ang natutuhan mo tungkol kay Jehova sa mahirap na sitwasyong ito?

Kahit na hinahayaan ni Jehova ang pag-uusig, alam kong ginagawa niya anuman ang kailangan para maprotektahan ako at maaliw sa espesyal na paraan. Mas naintindihan ko ngayon ang Isaias 30:15: “Magkakaroon kayo ng lakas kung mananatili kayong panatag at magtitiwala.” Tinutulungan ako nitong huwag isipin ang nakakatakot na mga bagay na puwedeng mangyari sa akin. Alam ko na kapag natakot ako, hindi ko mapaglilingkuran si Jehova nang may sigasig. Para ko na ring pinagbawalan ang sarili ko na sambahin si Jehova. Iyan ang gusto ni Satanas na gawin ko. Pero dahil lubos akong nagtitiwala kay Jehova, nararamdaman ko ang kapayapaan na Diyos lang ang makapagbibigay. At iyan ang nagpapalakas sa akin.

Nakakasiguro tayo na patuloy na pagpapalain ni Jehova sina Viktor at Sergey sa kanilang pagtitiyaga at pagtitiis, dahil Siya ay isang Diyos “na nalulugod sa kapayapaan ng lingkod niya.”—Awit 35:27.

Time Line

Agosto 24, 2022

Sinampahan ng kasong kriminal. Hinalughog ang mga bahay. Inaresto at pansamantalang ikinulong
Agosto 26, 2022

Pinalaya mula sa pagkakakulong at ibinilanggo sa sariling bahay
Oktubre 17, 2022

Pinayagang makalabas sa sariling bahay pero may mga restriksiyon
Abril 13, 2023

Nagsimula ang paglilitis

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Crimea

Ibinibilanggo ang mga Saksi ni Jehova sa Crimea dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE