Na foki mai e Ieova ki a te ki tatou te Tuhi Paia. Ko he meaalofa lahi e aofia ai ni tamā tuhi e 66. Kae atonu koe e mafaufau: ‘Na maua vefea te Tuhi Paia? Ko ai te na ia tuhia?’ Ke maua na tali ki na fehili ienā, tatou talanoa pe na vefea ona ki tatou maua te fekau i loto o te Tuhi Paia.

1. Kafai ko te Tuhi Paia na tuhi e ni tamaloloa, heā la te lea ve ai e mai te Atua?

Ko te Tuhi Paia na tuhi e ni tamaloloa e tuha pe toka 40, i he vaitaimi e tuha ma te 1,600 tauhaga, mai te 1513 T.L.M. ke pa atu ki te 98 T.A. E ui lava e kehekehe uma na talaaga o na tuhitala, kae na tutuha uma o latou manatu na tuhia i te Tuhi Paia. Na vefea ona tupu te mea tenā? Auā ko te Atua ko te tuhitala o te Tuhi Paia. (Faitau te 1 Tesalonia 2:​13.) E heki tuhia e na tuhitala ienei ni o latou manatu. Kae, na “tautatala i mea na faailoa mai e le Atua e ala i le ta’ita’iga a le agaga paia.” a (2 Peteru 1:​21) Na fakaaogā e te Atua tona agaga paia ke fakaohofia ai na tamaloloa ke tuhi ona manatu.​—2 Timoteo 3:​16.

2. Ko ai te mafai ke maua na aogā mai te Tuhi Paia?

E maua e “nuu uma, ituaiga uma, gagana uma, ma tagata uma” na aogā mai te tala lelei e maua i te Tuhi Paia. (Faitau te Faaaliga 14:6.) Na fakamautinoa mai e te Atua, ka hili atu te lahi o na gagana ka maua ai te Tuhi Paia i na aho nei, nailo he tahi tuhi. Toeititi lava ko tagata uma kua tofu ma te Tuhi Paia, e tuha lava pe ko fea te nonofo ai pe heā foki te gagana e tautatala ai.

3. Na vefea ona fakahao e Ieova te Tuhi Paia?

Na tuhia na kopi muamua o te Tuhi Paia ki ni paku o ni lakau ma ni paku o ni manu, ko ni mea e vave kikino. Kae na toe tuhia ma te fakaeteete ni ietahi kopi e ni tamaloloa e fiafia ki te Tuhi Paia. E ui na taumafai ni tino malolohi ke fakaheai te Tuhi Paia, kae na lotomalilie ni ietahi tino ke lamatia o latou ola mo te puipuiga. E heki fakataga e Ieova he tino pe he mea ke taofia ai tona fehokotaki mai ki a te ki tatou. Kua takua i te Tuhi Paia: “O le afioga a lo tatou Atua e tumau lea e faavavau.”​—Isaia 40:8.

 HAKILIKILI ATILI

5. Na fakahao te Tuhi Paia mai te fakakino

 6. Ko he tuhi mo tagata uma

Ko te Tuhi Paia ko te tuhi ia kua pito hili ona lahi na gagana e fakaliliu ma tufatufa atu i te talafakaholopito. Faitau te Galuega 10:​34, 35, ma talanoa na fehili ienei:

• Aiheā e finagalo ai te Atua ke fakaliliu ma tufatufa atu tana Afioga i ni gagana e lahi?

• Ko heā he mea e fiafia koe ki ei i te Tuhi Paia?

 OTOOTOGA

Ko te Tuhi Paia ko te Afioga a te Atua, ma kua ia fakamautinoa mai e maua e tagata uma.

Fehili Autalu

• Ko heā te uiga atu ki ei te lea ve, na fakaohofia e te Atua na tamaloloa ke tuhia te Tuhi Paia?

• Heā he mea e pito hili ona fiafia koe ki ei e fakatatau ki te fakahaoga, te tufatufa atu ma te fakaliliuga o te Tuhi Paia?

• Ni a ni o fakalagona i te ke iloa ve ia na faia e te Atua na taumafaiga uma ke fehokotaki mai ai ia ki a te koe?