LEHONA 04
Ko Ai Te Atua?
E heki leva talu ona foafoa te tagata kae kamata loa tapuaki ki latou ki na tahi atua fakatahi ma na atua fafine. Kae kua takua i te Tuhi Paia te Atua e fokotahi “e silisili nai lo o isi atua uma.” (2 Nofoaiga a Tupu 2:5) Ko ai la te Atua tenā? Ma e vefea ona hilihili ia nai lo na tahi atua uma na tapuaki ki ei na tino? I te lehona tenei, ka ke akoakoa ai te auala kua fakailoa mai ai e te Atua tena ia ia lava kia te koe.
1. Ko ai te igoa o te Atua, ma e vefea ona ki tatou mautinoa ko tona finagalo ke ki tatou iloa ia?
Kua fakailoa mai e te Atua ia ia lava ki a te ki tatou i te Tuhi Paia. E leamai: “O a’u o Ieova. O lo’u igoa lea.” (Faitau te Isaia 42:5, 8.) Ko te igoa “Ieova” e fakaliliu mai i te igoa Eperu te e uiga atu “E gaoioi ia e tuha ma te tulaga e manakomia.” E finagalo ia Ieova ke ki tatou iloa tona igoa. (Esoto 3:15) E vefea ona ki tatou iloa ko tona finagalo tena? E hili atu i te 7,000 taimi kua takua ai tona igoa i te Tuhi Paia! a Ko te igoa Ieova e fakahino atu ki te “Atua moni i le lagi i lugā atoa ma le lalolagi i lalo nei.”—Teuteronome 4:39.
2. Ko heā te kua fakailoa mai e te Tuhi Paia e fakatatau ki a Ieova?
Kua takua i te Tuhi Paia, kua na ko Ieova lava te Atua moni, mai na atua uma e tapuaki ki ei ia tagata. Aiheā? E lahi na mafuaaga. Ko Ieova ko te Pule aoao ma e na ko ia lava “o Lē e Silisili Ese i le lalolagi uma.” (Faitau te Salamo 83:18.) Kua takua i te Tuhi Paia ko ia “o Lē e ona le malosi uma lava,” auā e ia te ia te mana e fai ai ho he mea e finagalo ia ki ei. Na ia “foafoaina mea uma lava”—e aofia ai te vateatea ma na mea fai ola uma i te lalolagi. (Faaaliga 4:8, 11) E heai foki he tahi e ve ko Ieova, te Atua e mai te vavau ke pa ki te fakavavau.—Salamo 90:2.
HAKILIKILI ATILI
Iloilo te kehekehega o na taku e kave ki te Atua ma tona igoa patino. Akoako pe vefea ma aiheā kua ia fakailoa mai ai tona igoa ki a te koe.
3. E lahi na taku e kave ki te Atua, kae e fokotahi lava tona igoa
Ke iloa te kehekehega o na taku e kave ki he tino ma tona igoa, fakaali te VITIŌ, oi talanoa ai te fehili tenei.
-
Ko heā te kehekehega o he taku e ve ko te “Aliki,” ma he igoa?
Kua takua i te Tuhi Paia e tapuaki ia tagata ki te lahi o na atua ma na aliki. Faitau te Salamo 136:1-3, oi talanoa ai te fehili tenei:
-
Ko ai te “Atua o atua” ma te “Alii o alii”?
4. E finagalo ia Ieova ke ke iloa ma fakaaogā tona igoa
E vefea ona ke iloa e finagalo ia Ieova ke ke iloa tona igoa? Fakaali te VITIŌ, ma talanoa na fehili ienei.
-
I tau kikila nei e finagalo ia Ieova ke iloa e tagata uma tona igoa? Aiheā?
E finagalo ia Ieova ke fakaaogā e tagata tona igoa. Faitau te Roma 10:13, ma talanoa na fehili ienei:
-
Aiheā e tāua ai te fakaaogā o te igoa o te Atua ko Ieova?
-
Ni a ni o fakalagona kafai e iloa e he tino to igoa ma kalaga atu ai?
-
I tau kikila ni a na fakalagona o Ieova kafai e ke fakaaogā tona igoa?
5. E finagalo ia Ieova ke kavea koe ma ana uō
Leamai he fafine mai Cambodia e igoa kia Soten “ko te iloa o te igoa o te Atua na ko maua ai te fiafia e hili atu i ho he tahi lava taimi.” Fakaali te VITIŌ, ma talanoa te fehili tenei.
-
I te vitiō, na vefea ona aafia ia Soten i te ia iloaga o te igoa o te Atua?
Ka ko heki kavea koe ma uo a he tino e tatau lava ona ke iloa muamua tona igoa. Faitau te Iakopo 4:8a, ma talanoa na fehili ienei:
-
Heā te kua valakaulia koe e Ieova ke fai?
-
E vefea i te ke iloa ma te ke fakaaogā o te igoa o te Atua ona fehoahoani atu ke mafuta vavalalata atu ai koe ki a te ia?
LEAMAI IETAHI TINO: “E fokotahi lava te Atua, e tuha lava la pe heā te taku e fakaaogā.”
-
E talitonu koe ko Ieova ko te igoa ia o te Atua?
-
E vefea ona ke fakamatala, e finagalo te Atua ke ki tatou fakaaogā tona igoa?
OTOOTOGA
Ko Ieova ko te igoa o te Atua moni e fokotahi. Ko tona finagalo ke ki tatou iloa ma fakaaogā tona igoa, ke mafai ai ki tatou ke mafuta vavalalata atu ki a te ia.
Fehili Autalu
-
E vefea ona kehe mai ia Ieova mai na tahi atua uma e tapuaki ki ei ia tagata?
-
Aiheā e tatau ai ke ki tatou fakaaogā te igoa o te Atua?
-
E vefea ona ke iloa e finagalo ia Ieova ko koe ke fakalatalata atu ki a te ia?
MANATU FAKAOPOOPO
Iloilo na mafuaaga e lima e ki tatou mautinoa ai e iei moni lava te Atua.
Aiheā e talafeagai ai ona talitonu ki tatou e iei moni lava te Atua.
“O ai na foafoaina le Atua?” (Le Olomatamata, Aukuso 1, 2014)
Iloilo pe aiheā e tatau ai ke ki tatou fakaaogā te igoa o te Atua, e ui lava e he ki tatou iloa tonu te fakaleoga nae iei ai i na aho anamua.
E tāua te igoa e fakaigoa ai e ki tatou te Atua? Iloilo na mafuaaga e lea ve atu ai, e iei te igoa patino o te Atua.
a Mo ni ietahi fakamatalaga e fakatatau ki te uiga o te igoa o te Atua ma te mafuaaga kua kavekehea ai tenā igoa i na tahi fakaliliuga o te Tuhi Paia, kikila ki te Faaopoopoga A4 i te O le Tusi Paia—O le Faaliliuga a le Lalolagi Fou.
