Zebur 107:1—43
107 Ýehowa şükür ediň, sebäbi ol ýagşydyr+,Wepaly söýgüsi* ebedidir+.
2 Ýehowanyň halas edenleri*,Duşman elinden gutaranlary alkyş aýtsynlar+.
3 Gündogardan, günbatardan,Demirgazykdan we günortadan+,Ýat ýurtlardan bir ýere jem bolan halk+ Alla şükür etsin.
4 Olar çölde, düzde sergezdan boldular,Ýaşar ýaly şäher tapmadylar.
5 Olar açdylar, teşnediler,Ysgyn-mydary gaçyp, huşuny ýitirdiler.
6 Agyr günde Ýehowa perýat etdiler+,Alla olary jebir-jepadan gutardy+.
7 Ýaşajak şäherine ýollady+,Dogry ýoldan ýöretdi+.
8 Wepaly söýgä baý Ýehowa alkyş aýdyň!+Ynsan ogullary üçin täsin işleri edýän Hudaýy wasp ediň!+
9 Ol suwsanlary gandyrdy,Açlary doýurdy+.
10 Olaryň käbiri tümlükde ýaşaýardy,Gandala baglanyp, ejir çekýärdi.
11 Sebäbi Hudaýyň sözüne gulak asmadylar,Allatagalanyň* maslahatyny äsgermediler+.
12 Hudaý olary peseltdi, başyna betbagtçylyk inderdi+,Olar büdräp ýykyldy, ýardam beren bolmady.
13 Agyr günde Ýehowa perýat etdiler,Alla olary jebir-jepadan gutardy.
14 Olary tümlükden azat etdi,Gandallaryny döwüp taşlady+.
15 Wepaly söýgä baý Ýehowa alkyş aýdyň!+Ynsan ogullary üçin täsin işleri edýän Hudaýy wasp ediň!
16 Sebäbi ol demir gulplary,Mis gapylary bölek-bölek etdi+.
17 Halk akmaklyk etdi+,Günäleri sebäpli ejir çekdi+.
18 Olaryň işdäsi kesildi,Ölüm derwezesine golaýlaşdylar.
19 Agyr günde Ýehowa perýat etdiler,Alla olary jebir-jepadan gutardy.
20 Olary sözi bilen sagaltdy+,Düşen duzaklaryndan halas etdi.
21 Wepaly söýgä baý Ýehowa alkyş aýdyň!Ynsan ogullary üçin täsin işleri edýän Hudaýy wasp ediň!
22 Goý, olar minnetdarlyk gurbanlygyny bersin+,Onuň işlerini şatlyk bilen yglan etsin.
23 Deňizlerde syýahat edýänler,Ummanlarda söwda edýänler+,
24 Deňziň düýbündäki täsin zatlara,Ýehowanyň ajaýyp işlerine syn etdiler+.
25 Onuň emri bilen tüweleýiň turşuny+,Tolkunlaryň möwç urşuny gördüler.
26 Gämiler käte ýokary göterilýär,Käte deňziň düýbüne inýär.
Başyna bela inende, deňizçiler ejizleýär.
27 Olar serhoş kimin iki ýana yranýar.Eden tagallasy* biderek bolýar+.
28 Agyr günde Ýehowa perýat edýärler+,Alla olary jebir-jepadan gutarýar.
29 Hudaý tolkunlary köşeşdirýär+,Tüweleýi ýatyrýar.
30 Imi-salalyk bolanda, deňizçiler şatlanýar.Hudaý olary arzuwlan kenaryna* çykarýar.
31 Wepaly söýgä baý Ýehowa alkyş aýdyň!Ynsan ogullary üçin täsin işleri edýän Hudaýy wasp ediň!+
32 Goý, jemagatyň içinde Hudaýy şöhratlandyrsynlar+,Ýaşulularyň öňünde alkyş aýtsynlar.
33 Ol derýany çöle öwürýär,Akar suwlary guradýar+.
34 Alla ýurduň erbet halky sebäpli,Mes topragy şor ýere dönderýär+.
35 Çöli gamyşly köle öwürýär,Takyrlardan çeşme akdyrýar+.
36 Açlar özüne şäher gurar ýaly+,Olary şol ýerde ýaşadýar+.
37 Tohum sepýärler, üzüm ekýärler+,Ýer bol hasyl getirýär+.
38 Hudaý bereket berýär, halkynyň sanyny artdyrýar,Mal-garasyny köpeldýär+.
39 Ezýetden, bela-beterden, gaýgy-gamdan,Olaryň sany kemelýär, masgara bolýarlar.
40 Ol töreleri kemsidýär,Olary çöl-beýewanda sergezdan edýär+.
41 Garyby bolsa agyr dertden gutarýar+,Çagalaryny süri kimin köpeldýär.
42 Dogruçyllar muny görüp begenýär+,Adalatsyzlar dymýar+.
43 Paýhasly adam şu zatlara üns bersin+,Ýehowanyň wepaly söýgüsi hakda çuňňur oýlansyn+.
