Nakyllar 6:1—35
6 Oglum, goňşyň karz alanda, kepil geçen bolsaň+,Ýat adam bilen ylalaşyk baglaşan bolsaň*+,
2 Diliňden bela galan bolsaň,Aýdan sözleriň bilen duzaga düşen bolsaň+,
3 Oglum, başyňy gutar.Sebäbi onuň penjesine düşdüň.
Bar, aýagyna ýykylyp, ýalbar-ýakar et+.
4 Gözüňe uky gelmesin,Gabaklaryň ýumulmasyn.
5 Awçydan gaçan jeren kimin,Tordan sypan guş kimin janyňy halas et.
6 Eý ýalta+, bar, garynja seret!Işleýşine syn etseň, paýhasly bolarsyň.
7 Onuň ne serdary, ne baştutany, ne-de ýolbaşçysy bar.
8 Emma ol tomusda azygyny ýygnaýar+,Hasyl döwri iýjegini toplaýar.
9 Eý ýalta, haçana çenli ýatjak?
Haçan oýanjak?
10 Biraz ýatsaň, biraz irkilseň,Biraz gol gowşuryp otursaň+,
11 Garyplyk garakçy kimin+,Mätäçlik talaňçy ýaly üstüňe geler.
12 Dereksiz, erbet adam ýalan-ýaşryk gepleýär+,
13 Göz gypyp+, el-aýagy bilen yşarat edýär.
14 Ol garaýürekli we päliýaman+,Adamlaryň arasyna çöp atýar+.
15 Şonuň üçin başyna birdenkä heläkçilik iner,Ol duýdansyz ýykylar, ýerinden galyp bilmez+.
16 Ýehowa alty zady ýigrenýär,Ýedi zat onuň üçin nejisdir:
17 Tekepbir gözler+, ýalançy dil+, bigünä gany dökýän eller+,
18 Päliýaman ýürek+, zalymlyk etmäge howlugýan aýaklar,
19 Her deminde ýalan ýagdyrýan şaýat+,Aga-iniň arasyna çöp atýan adam+.
20 Oglum, ataň tabşyryklaryny berjaý et,Eneň öwüt-ündewini* unutma+.
21 Olar ýüregiňe kök ursun,Boýnuňa monjuk bolsun.
22 Ýöräniňde ýol görkezsin,Ýatanyňda gorasyn,Turanyňda maslahatçyň bolsun.
23 Tabşyryk çyradyr+,Kanun nurdur+,Terbiýe we käýinç ýaşaýyş ýoludyr+.
24 Olar seni päliýaman aýaldan+,Süýji dilli ahlaksyz* aýaldan gorar+.
25 Onuň gözelligine maýyl bolma+,Owadan gözleriniň ýesiri bolma.
26 Ahlaksyz aýala sataşan çörege zar bolar+,Kesekiniň gelni janyňy awlar.
27 Ody gujaklap, eşigini ýakmadyk barmy?+
28 Közüň üstünden ýöräp, aýagyny bişirmedik barmy?
29 Goňşusynyň* aýaly bilen ýatanyň ýagdaýy-da şeýledir;Ol aýala el degren adam jezasyz galmaz+.
30 Garnyny doýurmak üçin ogrulyk eden kişiniIl-gün ýazgarýan däldir.
31 Emma ol tutulsa, ýedi esse öwezini dolmaly bolar,Hatda öýüniň bar goşuny bermeli bolar+.
32 Zynahor adam akylsyzdyr,Ol öz aýagyna özi palta urýar+.
33 Başyna bela satyn alýar, masgara bolýar+,Ol näme etse-de, biabraý bolup galar+.
34 Gabanjaň är gahar-gazaba münýär,Ol ar alanda rehim etmeýär+.
35 Näçe töleseň-de, pul gözüne görünmez.Dünýä malyny berseň-de, gahary köşeşmez.
Çykgytlar
^ Ýa-da: adamyň elini gysan bolsaň.
^ Ýa-da: kanunyny; görkezmesini.
^ Ýa-da: Dostunyň; ýakynynyň.
