Köplenç uýalaryň gowy edim-gylymy iman etmeýän äriniň ýüregine güýçli täsir edýär. Netijede, olar hem hakykata gelýär. Emma munuň üçin uýalar birnäçe ýyllap kynçylyk çekmeli bolýarlar (1Pe 2:21—23; 3:1, 2). Eger adalatsyzlykdan ejir çekýän bolsaňyz, ýamanlygy ýagşylyk bilen ýeňiň (Rim 12:21). Şonda gowy edim-gylymyňyz adamyň ýüregine sözden has güýçli täsir eder.

Bir mesele ýüze çykanda, ýanýoldaşyňyzyň ýerine özüňizi goýup görüň (Flp 2:3, 4). Maşgaladaky borjuňyzy ýürekden ýerine ýetiriň. Mähirli, duýgudaş boluň we ünsli diňläň (Ýak 1:19). Sabyrly boluň, ýanýoldaşyňyzy söýýändigiňizi görkeziň. Ol siziň bilen mähirli we sylaşykly bolmasa-da, wepalylygyňyzy Ýehowanyň gymmat saýýandygyny unutmaň (1Pe 2:19, 20).

«ÝEHOWA ÝÜKÜMIZI GÖTERMÄGE GÜÝÇ BERÝÄR» DIÝEN WIDEONY GÖRÜP, ŞU SORAGLARA JOGAP BERIŇ:

• Greýs Li uýamyz durmuşa çykan döwri nähili ýaşaýardy?

• Onuň hakykata gelmegine näme sebäp boldy?

• Li uýamyz suwa çümdürileninden soň, kynçylyklara nädip çydady?

• Uýamyz adamsy hakda näme diýip doga etdi?

• Uýamyz päk ýaşaýşy we çuňňur hormaty bilen nähili bereketleri aldy?